اخبار

الأربعاء، 28 يناير، 2009

دعوة.. وخطاب مهم


الدعوة

السلام عليكم
إن شاء الله موعدنا فى حفل توقيع الطبعة الثالثة بحمد الله من كتاب "مبسوطة يامصر؟".. وطبعا ده هيبقى فى معرض الكتاب عشان الناس اللى قالت انها مش عارفة تجيب الكتاب منين.. الكتاب موجود دلوقتى فى معرض الكتاب فى مكانين:
- سراى كندا.. فى دار كيان
- سراى ثلاثة .. الدور الثانى.. دار اكتب.
أما بالنسبة لحفلة التوقيع إن شاء الله هتبقى فى سراى كندا.. سراى تسعة.. جناح دار كيان للنشر وذلك فى تمام الساعة الخامسة ان شاء الله يوم الجمعة 30 يناير.

وطبعا سعيد جدا لـ 3 حاجات:
أولا: سعيد ان قبل الحفلة بتاعتى الساعة ثلاثة ونص فيه حفل لتوقيع كتب مجموعة من أعز اصحابى ومن أحسن المبدعين الشباب وهم:
محمد هشام عبية وكتابه الحالة ميم
حسام مصطفى إبراهيم وكتابه من غُلبى
نانسى حبيب وكتابها بحب السيما
ومعاهم كمان سحر غريب اللى لسة ماتشرفتش بمعرفتها بصراحة وكتابها حماتى ملاك
يبقى إذن هيبقى يوم جميل جدا مع شلة أصحاب.. واللى متابع هيعرف ان الناس دى عمالقة فى الكتابة سواء فى جريدة الدستور أو موقع بص وطل الالكترونى.. يعنى ان شاء الله نوعدكم بيوم جميل وكتب أجمل وألف مبارك على الكتب الجديدة لأصحابنا ويارب ينزل من كل كتاب طبعة عاشرة قريبا.
ثانيا: سعيد ان بفضل الله الكتاب "مبسوطة يامصر" حقق النجاح ده ونزل منه الطبعة الثالثة فى زمن قياسى.. وده بفضل الله ثم بفضل الناس اللى كعت من جيبها عشرة جنيه كانوا ممكن يجيبوا بيها جراب للموبايل.
ثالثا: سعيد انى هاشوف حضراتكم تانى مش عشان حفلة توقيع.. لا .. عشان قعدة اصحاب زى ما اتعودنا فى حفلاتنا أو ندواتنا ونقول شعر ونتشقلب ع الحيط وهنعمل كل حاجة.

وانا مستنى كل الناس اللى كانوا عايزين الكتاب ومش لاقيينه..وكمان احنا عملنا حفلة التوقيع الجمعة عشان محدش يتحجج بالشغل أو الحركات دى..مستنيينكم كلنا إن شاء الله.
وماتنسوش الهدايا المتفق عليها فى حفلات التوقيع: التلاجات والغسالات والمراوح والموبايلات أم كاميرتين.. وبرضه نقبل النقدية تخفيفا عن معاناة الشعب فى البحث عن تلاجة أو غسالة نضيفة.
الجمعة 30 يناير الساعة الخامسة .. سراى كندا سراى تسعة.. جناح دار كيان للنشر
اوعوا ماتجوش.
ــــــــــــــــــــــــــــــــــــــــــــــــــــــــــــــــــ


الخطاب أو البوست



خطاب فى العيد "الماسى" لمصر!!


عزيزى / ماس كهربائى
بعد التحية
نحيط علم سيادتكم أننى ومعى الشعب المصرى كله نتضامن مع سيادتكم ضد الحملة الشعواء التى تشنها حكومتنا الموقرة عليكم حيث أصبحت أنت _من غير حول منك ولا قوة_ السبب فى أى مصيبة تحط على شعبنا المسكين.. فبالأمس القريب كان حريق مجلس الشورى وبعده كان حريق المسرح القومى الذى أعلنت الحكومة _بعد أن حلفت على المصحف ميت يمين_ أنهما بسببك.. وفى العيد حرائق مصانع الغزل والنسيج فى آن واحد وكأنك قد اتفقت مع بعض أصدقائك من الماسات الكهربائية الأخرى كى تحتفلوا سويا بعيد الفطر فى مصانع الغزل والنسيج وأن تحرقوا ثلاثة مصانع على طريقة " العيد فرحة.. هيييييه".. وأخيرا منذ أيام كنت ضيفا عزيزا على نفق الأزهر الذى تعطل بسببك ليقاسى الناس الأمرين!!
ويبدو يا سيدى أن أمك "كانت داعيالك" بأن تصبح سيرتك على كل لسان.. فبعد كل حريق.. يصبح الحوار السائد بين أى اثنين فى المترو:
"- شفت الحريق اللى حصل؟؟
- ياعم أكيد ماس كهربائى زى كل مرة !!"
وهكذا أصبحت ياسيدى بطل المواقف الصعبة بين يوم وليلة.. والحق يقال أن السبب فى هذا هو حكومتنا الفتية التى تحمل هم الشعب على أكتافها وبعدها تجعل الشعب يحمل الحكومة وهمومه على أكتافه.. ليصبح الشعب يحمل همه وهم حكومته..وهذه أهم سمات الشعب المصرى.. اتنين فى واحد.. يغسل ويمسح فى آن واحد !!
ولقد اقترحت أنا من قبل أن نتوقف عن استخدام الكهرباء باعتبار أنها مثل الخمر والميسر فى بدايات التحريم.. إثمها أكبر من نفعها.. واقترحت أن نعود إلى عصر الشموع الرومانسية بحيث أن نضيق الخناق على الحكومة وتصريحاتها ولكن صديقى ذكرنى بحريق قصر ثقافة بنى سويف الذى تسببت فيه شمعة بائسة عديمة التربية فاقدة الأهلية ليجعلنى أشكر الله فى كل صلاة على هذه الحكومة التى لا تضع حلا لكل مصيبة وإنما تضع مصيبة لكل حل!!
واقترحت أيضا أنه إذا كانت كل مصائب الحكومة من صنيعة ماس كهربائى فيمكن لحكومتنا أن تتعامل مع الأسطى طارق الكهربائى جارنا _إيده تتلف ف حرير_ وأن تتعاقد معه على أن "يظبط كهربة البلد".. وبعون الله الراجل مش هيتأخر.. وخصوصا إذا سمع الجملة التقليدية : مصر محتاجالك ياطارق.. ولكن صديقى أيضا ذكرنى أن طارق لا يملك بطاقة ضريبية ولا يؤمن بالحملة القومية "نتعلم كلنا.. نشحت كلنا" ولهذا فالحكومة لن تتعامل معه لأنها دائما تحب أن تمشى فى السليم.. حكومة بقى !!
وأتمنى ألا تشعر بالوحدة يا صاحبى فى ظل تصريحات الحكومة المتعاقبة عليك.. فبجوارك يجلس الأخ العزيز "مختل عقليا" الذى أصبح هو الآخر نجما فى سماء إنجازات الحكومة.. حيث أصبحت كل الجرائم تنسب إليه بلا تحقيق ولا تفكير.. يكفى أن تنتشر أنباء عن مجزرة جماعية فى الصعيد أو مقتل فتيات أو اغتصاب أطفال حتى تظهر الحقيقة البيضاء _والقطنة ما بتكدبش_ أن السبب هو مواطن "مختل عقليا" !!
وأيضا يقف بجواركما أخوكما "جهل الشعب المصرى" حيث أصبح هو الملاذ الوحيد للحكومة عندما تقدم لها انتقادات عنيفة فى أى من المشروعات والخدمات والحقوق.. وهذا ظهر جليا عندما أعلنت الحكومة من قبل أن الشعب المصرى يجهل التعامل مع الديمقراطية والحرية .. ومن بعدها أصبح الشعب المصرى يجهل كل شيء تفعله الحكومة لأنها لا تفعل شيئا يفهمه أى عاقل أساسا !!
فعلى سبيل المثال فقد صرحت الحكومة بأن سبب كارثة الدويقة هو أن الشعب المصرى جاهل بفنون استخدام الحمامات حيث أنه لا يستخدم الحمامات بطريقة سليمة مما أدى لانهيار المقطم على رأس الشعب ليقتص منهم نظير فعلتهم الشنعاء والتى هى أنهم "حبوا يعملوا زى الناس" !!
ولا تسألنى ياسيدى "الماس" عن فن استخدام الحمامات فبالطبع أنا مثل كل المصريين لا أعرف هذا الفن..وهل مثلا أصدرت مكتبة الأسرة كتابا تحت عنوان " كيف تتعلم فن دخول الحمامات فى سبعة أيام بدون معلم"؟ وهل ناقش برنامج العاشرة مساء هذا الموضوع وعرض تقريرا عن فن دخول الحمامات وموضحا الفرق بين فن استخدام الحمام البلدى ونظيره الأفرنجى؟ وهل أكد عمرو أديب فى القاهرة اليوم أن حلقة اليوم مهمة جدا وهى عن فن قضاء الحاجة موضحا بالصور.. والحلقة النهاردة موز.. موز .. موز؟!
سيدى الماس..
لا أريد هذه الروح الانهزامية التى تبدو عليك أنت والأخ " مختل عقليا" ومعكما "جهل الشعب المصرى" فمازال هناك الكثير من الكوارث تنتظركم... وكل ما أريد أن أختم به خطابى المتضامن معك أننا على الدرب سائرون وعلى حكومتنا صابرون ..
واللى ييجى عَ المصريين مابيكسبش !!

هناك 19 تعليقًا:

beroo يقول...

لولوووووووووووووووووووووووووووووليييييييييييييييييييييي وصلي صلي صلي عل النبي صلي صلي
ياربي اول مرة في تاريخي التدويني اعلق عندك اول واحده
ثواني اقرا بقي واجي تاني انا كنت بحجز بس

beroo يقول...

النسبة لحفلة التوقيع
الف الف الف الف مليون مبرووووووووووووووك بس للاسف مش هقدر اكون موجودة بس انت عارف قلوب البورسعدية كلهم معاك
اما بقي بالنسبة لعزيزك وعزيزنا كلنا الماس الكهربي
يارب الحكاية تفضل علي قد كده او تبقي المصايب متوزعة عليه هو والمختل عقليا وجهل الشعب المصري ومتتوزعش المصايب مثلا علي اديب جاهل او مدون مختل او علي وصلة النت مثلا ويلغوها
بقالك فترة مابتزوش المدونة علي فكرة وانا هبدأ اشجب
بس تحياتي كتير بجد وربنا يوفقك في حفل التوقيع وعقبال الطبعة المليون من كل كتاب وعايزين الكتاب الجديد بسرعة ان شاء الله
بيروو

Bondoka يقول...

الف مبروك الطبعة التالته وعقبال الكتاب الجديد ان ششاء الله

بالنسبه بقى لحوادث القضاء والقدر اللى بتحصل دى
انت ايه اللى فكرك بكل ده
ماس كهربائى؟

أحلى حياة يقول...

السلام عليكم ورحمة الله وبركاته

سؤال قد يبدو غريبا وبعيدا ...
على غلاف الكتاب.. اشمعنى المترو؟؟؟

Tamer Diab يقول...

حمد الله علي السلامة يا راجل
والله أنا يوميا تقريبا ادخل وملاقيش جديد أقعد اتشقلب شوية في مدونتك واخرج
وبعدين عمنا ماس كهربائي في مصيبة تانية شايلها
إن كل ما تيجي سيرة الزبالة يتشتم هو والي خلفوه
ايه الي جاب ده لده واي حد يروح قايل الله يحرق الزبالة ع الكهربا في يوم واحد
سلام يا باشا وان شاء الله اقدر اكون من الحاضرين يوم 30 يناير

أحلى حياة يقول...

والف مبروك على نجاح الكتاب والطبعه التالته ومن نجاح لنجاح بإذن الله

ربنا يوفقك

تحياتي:)

mony يقول...

الف الف مبروك


كويس ان اول زيارة ليا فيها خبرحلو كده



انا طبعا مش هعلق علي الخطاب الشخصي للسيد المحترم "ماس"

هعلق علي حاجة في الاخر خااااالص

بذمتك
بذمتك
الكلمة ديه صحيحة
"اللي يجي علي المصري مايكسبش"

بذمتك مش اللي يجي علي المصري هو اللي يكسب

يعني بمعني اوضع
اللي عايز يكسب يجي علي المصري


مش كده ولا اييييه

koukawy يقول...

الف مبروك علي الكتاب انا شفته في وسط البلد بس يومها
كان الفلوس اللي معايا علي القد
فقلت انشالله المره الجايه اجيبه
كان نفسي اجي يوم الجمعه بس انا امرأه كادحه اعمل يوم الجمعه
هههههههههه

و سلامي للماس الكهربائي و كل اخواتنا المختلين و المهتزين و المذبذبين نفسيا

Soooo يقول...

كابتن .. كابتن .. كابتن
هو انا لو جيت .. هتديني نسخه ببلاش .. ماهو انا اشتريت نسختين .. نسخه من أول طبعه ونسخه من تاني طبعه
ولا مؤاخذه يعني انا مش قاعد على تل فلوس ولا عندي مطبعه في بيتنا عشان اخلص فلوسي عالمراجيح وعلى كتابك
الرحمه حلوة يا ناس
احنا هنلاقيها من كتابك ولا من كتاب عيبه ولا من كتاب سحر ولا من الكتاب اللي اسمه باحب السيما .. شكله هيعجبني

واساسا اساسا اساسا .. انا هشتري كتابك تالت مره ليه؟؟
أما انا صعيدي صحيح

صباحو نجف يا شؤرف





سلامووووووووووووز

zeroon يقول...

الله عليك يا كبير
اولا مبروك الطبعة الثالثة وعقبال ما الماس يشرفك في حفل التوقيع ههههههه
انا كنت بزاكر وزهقان مش طايق نفسي قمت فتحت النت اول حاجه عملتها دخلت عندك سبحان الله حاسس ان في بوست جديد

محمود محمد حسن يقول...

اسم على مسمى ، اخف دم ، مش فاكر علقت هنا قبل كده ولا لأ ، بس مدونتك من المدونات اللي بتعجبني كتير يا اشرف ،

مبروك نجاح الكتاب ، البنت اللي واقفة في مكتبة الشروق عندنا هنا في اسكندرية بتقولي الكتاب خلص في يوم واحد عندها في المكتبة ، بتقول انا خدت منه نسخة احتياطي اصلي خفت يصادروه ،

عبد الحميد محمد يقول...

مبروك
و نحمد الله ان ماسا كهربائيا لم يتسبب في احراق معرض الكتاب هذا العام
انت تفهم في هذه الاشياء

أخف دم يقول...

السلام عليكم
منورين يا أحلى ناس
أولا سعيد جدا بوجودكم هنا ويارب تفضلوا هنا دايما وماتغيبوش علينا
ثانيا ألف شكر لكل الناس اللى شرفونى فى حفلة توقيع الطبعة الثالثة من الكتاب فى معرض الكتاب واللى جن كمان من محافظات تانية.
ثالثا ىسف جدا للموقف اللى حصل يومها من ان النسخ خلصت من المكتبة ومن المعرض كله يومها.. والناس اضطرت تنتظر الفترة دى كلها عشان الكتاب وعشانى فأنا آسف جدا وشاكر جدا ليهم وآسف ليهم فى نفس الوقت.
بيرو
الله يكرمك أنا بازورك والله بس سامحينى فى التعليقات الفترة دى عشان اشنغالى .. منورة دايما وسلامى لكل أهل بورسعيد وحبايبنا هناك.
أحلى حياة
اخترت المترو لانه وسيلة معاناة يومية يعرفها كل واحد عايش فى القاهرة.. وعشان بيعبر عن معاناة المواطن المصرى البسيط اللى انا باتكلم عنه فى الكتاب.
مونى
بصراحة عندك حق بس خليها مايكسبش .. نخدع نفسنا حتى ياست الكل.. منورانى
محمود محمد حسن
منورنى يامحمود ويارب ماتكونش دى الزيارة الأخيرة.. وتف من بقك ياعم ان شاء الله مافيش مصادرة ولا اعتقالات.. ولو خدونى هاقول اسمك علطول ماتخافش..منور دايما
منورين دايما ياجماعة وآسف تانى للتأخير هنا.. وربنا يجمعنا دايما.
اشرف توفيق

لحـــ الفرح ـــن يقول...

حان وقت التهنئة .. الف مليوووووووووووون مبرووووووووك يا اخف دم فى مصر كلها فعلا

سامحنى على التاخير بس انا اعتبرت ان الكتاب مانزلش الا يوم ما نلت شر قرأة صفحاته

وبجد بجد تسلم الايادى علي كل حرف كتبته يا اشرف

ويارب يكون فاتحة خير عليك يارب وتهرينا كتب ان شاء الله

قول اميييييييييين

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

العيسوى الصغير يقول...

مسلسل من الحرائق بسبب الماس الكهرابى ولكن هل من سبب اخر يقتنع به الشعب؟؟!!!!وعلامات استفهام وتعجب كتير هل هل هل مش عارف القى الاسباب الحقيقة فين ولا اسال مين

غير معرف يقول...

باشا
للامام دائما

مش ناوى تنزل مبسوطة يا مصر ف دمياط ولا اية؟؟

انا كنت عامل مدونة لسة عاملها وعايزك تقولى رايك؟؟

http://amirovermoon.blogspot.com/

jerseyshoreseasonepisodes.com يقول...

Good post thanks

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه