اخبار

الاثنين، 5 يناير، 2009

عناوين صحيفة انترناشيونال شووز!!


أولا:كل سنة وانتوا طيبين دايما يارب عشان السنة الهجرية والسنة الميلادية وعشان عيد ميلادى وعشان عيد ميلاد المدونة.. ويارب السنة الجاية تبقى أحلى سنة على كل واحد فيكم.. وربنا يعوضنا خير عن كل اللى حصل السنة اللى فاتت دى..وربنا يرحمنا من كل البلاوى اللى كابسة على نفسنا.
ـــــــــــــــــــ
ثانيا: بقالى فترة والله مش عارف اكتب حاجة عشان حاسس ان ازاى الواحد هيقول حاجة تضحك الناس فى وسط كل اللى بيحصل ده والناس بتموت على بعد كام كيلو مننا..بس حسيت النهاردة بفرحة أمل بعد التوغل البرى وان بقى فيه أموات ومصابين فى جيش العدو الله يحرقه بغاز من بتاعنا عشان نبقى عملنا خير فى دنيتنا..فقلت اكتب حاجة النهاردة حتى لو قديمة جايز حد يقدر يبتسم.. وكل اللى نقدر نعمله دلوقتى الدعاء ان ربنا ينصر اخواننا فى غزة وربنا على كل الظلمة اللى كانوا السبب فى اللى احنا فيه أيا كانوا هما مين..وربنا يرحمنا من تصريحات وزير الخارجية.. لو بس ياخد أجازة اعتيادية اليومين دول زى بتاعة المدرسين أو حتى يروح إعارة للكويت أو الإمارات يعمل له قرشين حلوين كان يبقى أحسن.. ربنايهديه بقى

ـــــــــــــــــــــــــــــــــــــــ

ثالثا: البوست

تعليقا على موقعة الجزمة الشهيرة

عناوين صحيفة الانترناشيونال شووز


بعد مهارته فى صد الأحذية.. المالكى يرحل فجأة إلى سيون السويسرى والفيفا يطلب بطاقته الدولية من العراق!!

بعد أنباء عن دخوله سجن أبو غريب.. نادى الزمالك ينوى التعاقد مع منتظر الزيدى لكرة اليد .. ويقرر ترحيل كلا من أجوجو وجمال حمزة مكانه.. راسين فى راس!!

مواطن أمريكى يرفع قضية على منتظر الزيدى لأنه تسبب فى هلعه وذعر أبنائه وسقوط سقف بيته عندما رمى منتظر بالحذاء على وجه بوش.. والقضية تحمل عنوان قضية جزمة الرئيس!!

أمنيات فى العراق أن يكون مؤتمر الرئيس بوش أمام مسجد فى صلاة الجمعة.. حتى يجد منتظر أكبر عدد من الجزم!!

مصدر مسئول مصرى يؤكد أن الفردة اليمنى هى التى قذفها منتظر أولا.. والمعارضة المصرية ترفض وتؤكد أن الفردة اليسرى هى الأولى .. والمعارضة توزع بيانا بهذا التعتيم الخطير عنوانه "إلى متى تخدعون الشعب؟"!!

الحرس الأمريكى يحصل على حذاء منتظر الزيدى لتحليل الـ D N A به!!

أوباما يؤكد أن الحوار مع الشرق الأوسط لابد أن يكون حوارا ثنائيا وليس حوارا من "فردة" واحدة!!

شائعات أن الفنان إيمان البحر درويش أعاد غناء أغنيته الشهيرة إلى الرئيس بوش قائلا: " يابلدنا يابلد.. هوه من إمتى الولد.. يبقاله لزمة.. لما تيجى ف وشه جزمة"!!

منتظر الزيدى من معتقله يؤكد: ممكن اتحمل الضرب والتعذيب آه.. إنما أطلع الاقى حد علق منى الجزمة لأ!!

عالم إيرانى يطلب خلية من حذاء منتظر الزيدى حتى يقوم باستنساخ كام جوز لأغراض سلمية بحتة ووكالة الطاقة الجزمية ترفض!!

حفريات وآثار قديمة تؤكد أن هولوكوست هتلر المزعوم لليهود كان ضربا بالجزم!!

بوش يؤكد: إحساسى الأمنى قبل المؤتمر أخبرنى أننى داخل على معركة "لمّيع"!!

برباط أو من غير رباط .. تلك هى المشكلة!!

إجراءات الحراسات الرئاسية تضيف إلى بوابة الأمن الكهربائية لكشف الأسلحة.. بوابة لكشف الأحذية.. وأنباء عن اعتصامات فى شركات باتا وعمر أفندى بسبب هذا الخبر!!

بعد انحناءته الرائعة.. كريم عبد العزيز يستعين ببوش كدوبلير فى فيلمه الأكشن القادم بعد نهاية فترة رئاسته.. وبوش يشترط للموافقة أن يكون بالفيلم أسلحة دمار شامل!!

محلات الأحذية تقود البورصة لارتفاع مفاجئ.. وإقبال شديد على الأحذية أم كعب حديد استعدادا لفرصة مماثلة!!

فترة رئاسة بوش.. أولها برجين.. وآخرها فردتين!!
مخترع أمريكى يخترع حذاءا ضد الرمى..بحيث يتحول إلى أسفنج عند رميه.. والسويد تقرر منحه جائزة نوبل للجزم!!
بن لادن فى آخر ظهور له يهدد أوباما إذا سار على نفس نهج بوش باستخدام "قباقيب الجوامع" فى المرة القادمة!!

بعد بحث رهيب.. تمكن المحللون من معرفة مغزى الأغنية الجديدة لدوللى شاهين والتى مطلعها (لازم يقف)..فبعد تفسيرها تفسيرا مش ولابد.. اقتنع المحللون أنها كانت تقصد بوش عندما ضُرب بالجزمة وانحنى فلم تصبه!!

بعد الانخفاض الشديد فى سعر الحديد.. شائعات تؤكد اتجاه السيد أحمد عز إلى التجارة فى الأحذية!!

الجزمة .. صنعتها (باتا) .. وقذفها منتظر.. فمن لها الآن؟؟

جمهور الأهلى يطالب أبو تريكة بإعادة ضرب بوش بالجزمة.. جايز تصيب المرة دى ببركة الساحر!!

المالكى يقرر جعل هذا اليوم عيدا وإجازة رسمية فى العراق.. وسماه "عيد صد الجزمة"!!

بعد هزيمة الأهلى فى بطولة العالم.. جماهير النادى الأهلى تستقبل جزمة منتظر الزيدى فى المطار!!

أخو منتظر الزيدى يؤكد: أخى منتظر كان يعد جزمته منذ أكثر من شهر لهذه المهمة.. حتى أنه لم يفاصل مع البائع!!

المالكى يستعين بخالد يوسف لإخراج فيلم بعنوان: هيه ناقصه؟!

بوش فى بيان رسمى: موضوع الجزمة أخذ أكبر من حجمه.. أمال لو كان ضربنى بـ (بوت) حريمى كان إيه اللى حصل؟؟

ثرى سعودى يعرض عشرة ملايين دولار لجزمة منتظر فقط.. ورجل مصرى يعرض بنته على منتظر ذاته..وفى جلسة صفا ومبادلة.. قرر الرجل الثرى إعطاء المصرى عشرة ملايين دولار على أن يعطيه المصرى ابنته.. وتعود الجزمة إلى منتظر!!

من طابور العيش عم مرزوق يؤكد: فرحة ضرب بوش بالجزمة أكبر من فرحة حصولى على 15 رغيف من الفرن.. شوف بقى فرحتى قد إيه!!

هناك 32 تعليقًا:

طه عبد المنعم يقول...

فترة رئاسة بوش.. أولها برجين.. وآخرها فردتين!!


دى أحلاهم

ههههههههههههههههه

عاشقه وغلبانه يقول...

من قلب الهم تطلع ابتسامه
ربنا ينصر غزه ويحمي منتصر
امين يارب العالمين

zeroon يقول...

من طابور العيش عم مرزوق يؤكد: فرحة ضرب بوش بالجزمة أكبر من فرحة حصولى على 15 رغيف من الفرن.. شوف بقى فرحتى قد إيه!!

ايه العسل ده يا عمنا
اخيرا رجعت وبوست جامد كمان

مع ان الضحكة ملهاش معنى في الظروف دي



ربنا ياخد منتصر اخذ عزيز مقتدر هو وطائفته من الشيعة
اللهم اخزل حسن نصر الله وكل الشيعة في هذه الازمة
اللهم انصر اخواننا في غزة
اللهم دمر اعدائك اعداء الدين يارب
اللهم اخرجنا من هه الفتنة غير مفتونين يارب

šσяšαяαα يقول...

هع هع هع

جامدين جداااا شوية الحاجات الشوزية دى

والله افتقدت المدونة دى..مادخلتهاش من ساعت ماكنت مصممها ازرق وفيها كور ملونة:D

وبعدين هى دى المهمة القومية للكاتب الساخر.. يعنى الناس تتغم وتتنكد واحنا نفرفش:D

وكل سنة وانت طيب وبخير دايما

وعيد ميلاد سعيد:)

TAFATEFO يقول...

كل عام وانت بخير يا أستانا .. وعيد ميلاد سعيد

وبالنجاح والتوفيق دايماُ بإذن الله

انت عارف يقول...

كل سنة وانت أحسن وأسعد وأنجح ومعايا وف قلبى ياأشرف إنسان

Mohamed Foad يقول...

ازيك يا أشرف
اخبارك اية يا مان
جايز انت متفتكرنيش اوي بس احنا كنا معرفة جامدة ايام الجامعةفي المنصورة
انا محمد فؤاد (كلية حاسبات ومعلومات)
بصراحة انا كنت متابع المدونة من فترة وطبعا كنت معجب اوي بشعرك بس مكنتش عارف انت مين لغاية ما شفت حفل توقيع مدونات مصرية للجيب وافتكرتك عالطول
ربنا يوفقك يا جميل ومن نجاح لنجاح ان شاء الله
وياريت اقابلك قريب ولا انت خلاص بقيت مش فاضي
اسيبك بقي لمعجبينك

mr_english80 يقول...

تسلم ايديك
انت و منتظر
على فكرة انا ماكنتش بلس جذم خالص
لبستها يمكن اقابل بوش فى يوم

سايكووو يقول...
أزال المؤلف هذا التعليق.
سايكووو يقول...

جاءنا البيان التالي
كلما تقدم اشرف في العمر كلما تقدمت عبقريته
كل سنه و انت طيب والعبقريه في ازدياد ان شاء الله
مروه فايز

حصان بري يقول...

:)
كل سنه وانت طيب يا عم اشرف
بتابعك علي قد ماقدر كده علي فكره
ومبروك علي اللي فات وعقبال اللي جاي

shawkat يقول...

للأسف انا لن أعلق على تدوينتك رغم روعتها لأن بالي مشغول بما يحدث في فلسطين و ارى من واجبي العملي أن أجمع لها الأموال فشارك معي و ساعدني في حملة لا تنفق و انما جاهد بمالك و تقديم الأقتراحات بحيث نحاول أن نجمع مبلغ عشرة الاف جنيه كمرحلة أولى من شباب المدونين و شباب الفيس بوك و من المعارف و الأقارب و الأصدقاء ساهم معنا و شاركنا و لا تتردد .. وانتظر ثواب الأجر
اماكن الجهاد بالمال: نقابة الأطباء المصرية ، اتحاد أطباء العرب و مكانهما في دار الحكمة في شارع قصر العيني و اقرب محطة مترو لهما هي محطة السيدة زينب .. و من لا يتطع الوصول هناك يمكن أن يراسلني على الايميل به طريقة التصال به و انا ساقوم بارسال المال نيابة عنه و اذا أراد ايصال رسمي بذلك فلا حرج
الأيميل : ashahinonline@yahoo.com
اسرع و بادر و ردد في اعماقك مش هنسيبك يا فلسطين

" و سيتم عمل لوحة شرف لكل من ساهم بماله فياريت أي أحد ساهم بماله أن يذكر قيمة المال حتى و ان استحقر قيمته و الأحرف الأولى من اسمه لنسجلها في لوحة الشرف
و لا تنسوا ان عثمان و عمر و ابا بكر و غيرهم قاموا بمجاهرة الصدقة و بقيمتها في العلن للتشجيع و التحفيز و هذا لا يتنافى مع الأخلاص " و الذين انفقوا مما رزقناهم سرا و علانية
اشترك في جروب الحملة : http://www.facebook.com/topic.php?uid=46491321470&topic=7479#/group.php?gid=46491321470

http://shawkat85.blogspot.com

كراكيب يقول...

اولا اولا اولا
لما تيجي مرة تانية في أيوها أيوها برنامج ابقى قول..هه
إدي خبر
رن رنة
كدة يعني.. علشان نتفرج ع الهوا
ماشي؟؟؟

حاجة كمان كنت عايزة اقولك عليها بردك
اه اه اه بردك مش برده لالا بردك
أيوة صحيح
انت نزلت كتاب عبارة عن بوستات كتيرة فظيعه جامدة رهيبه
قشطة تمام فل جدا
مش هتنزل كتاب شعر بقى؟
هتنزل صح؟؟؟ قول اه قول اه
طب امتى؟؟؟
هي الاسئلة الكتيرة دي مين هييجي يرد عليها؟؟

miro el niro kwaniro

koukawy يقول...

اوعي تخلي حاجه تأثر علي خفة دمك

koukawy يقول...

و اهو الجزمه ام نعلين
يضرب بيها ابو ودنين
هههههههه

Soooo يقول...

ياااااااااااه ياشؤرف .. ماتتصورش انت خرجتني من المود اللي كنت فيه ازاي بالضحك اللي في البوست ده
روح ياشيخ .. ربنا يسعدك ويريح بالك


ملحوظه
بخصوص تعليق حضرتك على الموضوع بتاع حضرتك اللي انا قلت لحضرتك ان حضرتك بتاكل بطاطس حضرتك وتسيب الغلابه اللي زيينا انا والصباغ ياكلو كبدة حضرتك
كام حضرتك فيما سبق قوله .. حضرتك؟؟؟




سلاموووووووووووووز

Shimaa Esmail يقول...

السيد الأستاذ/ أشرف توفيق
صاحب مدونة / أخف دم
اعتذر عن الخروج من موضوع التدوينة لقد أرسلت لك الجزء الثاني من الاستمارة (7صفحات)، أرجو منك إرسال رسالة توضح أن الجزء قد وصلك وأنه ليس هناك مشكلة في إرساله أحالت وصله لسيادتك .
تحياتي وتقديري
شيماء إسماعيل
باحث ماجستير- كلية الآداب جامعة القاهرة.

Shimaa Esmail يقول...

السيد الأستاذ/ أشرف توفيق
صاحب مدونة / أخف دم
اعتذر عن الخروج من موضوع التدوينة لقد أرسلت لك الجزء الثالث من الاستمارة (7صفحات)، أرجو منك إرسال رسالة توضح أن الجزء قد وصلك وأنه ليس هناك مشكلة في إرساله أحالت وصله لسيادتك .
تحياتي وتقديري
شيماء إسماعيل
باحث ماجستير- كلية الآداب جامعة القاهرة.

مجداوية يقول...
أزال المؤلف هذا التعليق.
نهر الحب يقول...

هنتقابل فى الاسماعيلية
يوم الجمعه 16/1
الساعه 11 ظ
امام الباب الرئيسى للمستشفى الجامعى
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
غير ان هناك عدد من الاصابات
فى المستشفى العام
محتاجين
تبرعات مالية
وبعض الملابس
عصائر
معلبات
رقم تلفونى للاستعلام
0188047779
والله المستعان
اللهم اجعل اعمالنا خالصه لوجهك الكريم

نهر الحب يقول...

هنتقابل فى الاسماعيلية
يوم الجمعه 16/1
الساعه 11 ظ
امام الباب الرئيسى للمستشفى الجامعى
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
غير ان هناك عدد من الاصابات
فى المستشفى العام
محتاجين
تبرعات مالية
وبعض الملابس
عصائر
معلبات
رقم تلفونى للاستعلام
0188047779
والله المستعان
اللهم اجعل اعمالنا خالصه لوجهك الكريم

مدونة مصري حر يقول...

يا أشرف انت مدون رائع ومدونتك من أرقى المدونات الفكرية اللي بتطلع الابتسامة بطريقة بسيطة وعبقرية

يا ريت تقبلني صديق ليك
محمد عبد العزيز
حركة شباب 6 إبريل

Mai RaGab يقول...

فعلا كلامك رائع
دمت مبدع
تحياتى

Tamer Diab يقول...

أخف دم علي طول أخف دم مفيش فايدة فيك :)
ونفسي والله في كام فردة زي دول يتحدفوا علي كام واحد في بالي -لحسن يكونوا بيحاسبوا ع النية كمان :( - ربنا يكرمك يا استاذ
ومتغيب ليه عننا بقالك فترة

الكلام نوعان كلام فارغ وكلام مليان كلام فارغ يقول...

حمدلله على السلامه يا اخف دم بجد واحشنا كتير جدا
يارب تنور مدونتى زي الاول يارب

بوش بقى ياسيدي"كان عامل ازمه ملهاش لازمه خلصت بالجزمه"

تحياتى

رواية للنشر الإلكتروني يقول...

الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .


موقعنا ( http://rewaya.tk )


إيميلاتنا
rewaya12@hotmail.com
rewaya12@yahoo.com

أخف دم يقول...

السلام عليكم
منورين دايما يا رجل وفتيات البلوجرز عند العبد لله.
متكشرين ياجماعة على كل الكلام الحلو ده والله.. الواحد ممكن يعيط بقى لو زودتوا اكتر من كدع وانتوا عارفين ان دمعتى قريبة.. ربنايكرمكم جميعا.
كراكيب ديوان الشعر لسة فى طور التأليف ممكن كمان كام شهر كده.. ربنا يسهل .. دعواتك.ويارب يكون الكتاب عجبك.. رغم انه مش مجموعة بوستات زى ما انت قلتى.. الكتاب بعيد عن المدونة.
مجداوية قرأت تعليقك المحذوف وسأرد على ايميلك الكريم.. منورانى دايما.
محمد عبد العزيز وانا اتشرف بصداقتك يامحمد ومنورنى دايما وشكرا على مدحك الجميل ويارب اكون قده.
والى كل اصحابنااللى قالوا كلام حلو بجد مش باقدر ارد على كلامكم الجميل ده فاعذرونى عشان باجاوب على اسئلة بس.. ومش باقدر ارد على كلامكم من حلاوته.. يارب ابقى قده.. ومروة فايز منورة بس برضه فين الفيديوهات؟؟ لازم يعنى اجى المنصورة واخدهم غصب واقتدار؟؟ هههههههه
منورين دايما.
وياريت تنورونى فى حفل التوقيع برضه يوم الجمعة 30 يناير الساعة خمسة سراى تسعة اللى هوه سراى كندا جناح دار كيان للنشر .. سلام

د. محمد رضــــا .. هل تراني يقول...

دمك شربات يا معلم والله

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

العيسوى الصغير يقول...

الجزمة = فتاه مصرية

مش عارف اقول ايه بس كلامى وصل

url يقول...

good read thanks

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه