اخبار

الأحد، 31 أغسطس، 2008

متشكرين يارجالة


السلام عليكم
كل سنة وانتوا جميعا طيبين وبخير وبصحة وسعادة يارب .. والسنة الجاية تكونوا ف أى حتة
طبعا مش قادر أوصف سعادتى بيوم حفلة التوقيع..وكل الناس الجدعان اللى شرفونى واللى اتعرفت عليهم يومها.وكمان سعيد جدا بالناس اللى بعتوا إيميلات واتصلوا بالموبايل بعد نزول الكتاب عشان يهنونى على مستوى الكتاب اللى مكنتش متوقع رد فعله الجميل ده على الناس.. ربنا يكرمكم جميعا.
وطبعا مش هاقدر أنسى الناس اللى عملت بوستات مخصوص فى مدوناتها على حفل التوقيع زى شيماء ربنا يكرمها اللى كنت اتمنى اننا نتكلم اكتر يوم الحفلة بس الظروف.. معلش يا شيماء.وكمان الناس اللى بقت بتحط الكتاب فى قائمة أفضل الكتب رغم ان الكتاب بقاله كام يوم بس.. ده فضل من ربنا سبحانه وتعالى.
طبعا أنا عارف انى متأخر كتير على حضراتكم فى البوستات بس انتوا شايفين ظروف المرحلة اللى فاتت وربنا يقدرنى واكون دايما عند حسن ظنكم. وقريبا إن شاء الله نرجع تانى لموضوعاتنا الخفيفة اللى اتمنى انها تكون أحسن وأحسن إن شاء لله.
الناس اللى سألت على الكتاب هوه دلوقتى موجود فى مكتبة البلد نفس عنوان حفلة التوقيع ولسة موجود شوية إن شاء الله تلحقوا..وإن شاء الله على آخر الأسبوع هنقول كل أماكن التوزيع فى القاهرة وباقى المحافظات.. وكمان بفضل الله سبحانه وتعالى ربنا يسهل وندعوكم على حفل صدور الطبعة التانية.. دعواتكم بس وبلاش قر من أولها.
وياريت بقى عشان خطرى خدمة كده واحنا داخلين على شهر مفترج أى حد معاه صور من حفلة التوقيع أو فيديوهات يبعتهالى على الإيميل وبلاش تطنيش .. أنا يومها كنت شايف كل أنواع الموبايلات والكاميرات بتصور .. انتوا هتبيعوا الصور دى وللا إيه؟؟ أنا مستنى إيميلات الصور والفيديوهات واما نشوف آخرتها معاكم
مرة تانية كل سنة وانتوا طيبين جميعا وربنا يديم المعروف دايما بينا ودعواتكم
أشرف

هناك 46 تعليقًا:

لماضة يقول...

اشروووووووف
كل سنه وانت طيب يا معلم
ومبروك الكتاب وكمان الخطوبة
بجد يا اشرف كان نفسي اكون موجوده اليوم ده
الصور كلها موجوده على الفيس بؤؤ
طبعا انا نسختي ممضيه ومحجوزه
شغل عافيه يعني
رمضان كريم

اوعى تفكر يقول...

الف الف مبروووووووك ياريس
على الخطوبه والكتاب وكل حاجه
وربنا يباركلك فى رمضان ان شاء الله

MAYODA يقول...

الف مبغووووك يا اشرف
كان نفسي ابقا موجودة بس مش عرفت :(
يلا ملحوقه تتعوض
و رمضان كريم عليك..
تشا تشا...

محمد الكومي يقول...

الهي يا رب اشوفك كماتب مشهور يا اشرف و كتبتكط تتضرب في ملفات بي دي اف و تنزل عالنت قبل ماتتطبع

الف مبروك

كل سنة و انت طيب

رمضان كريم

مع اصرارى يقول...

مبروووك يا وحش
أنا طول عمرى بزور وما بعلقش
بس المرادى
الموضوع موضوع مشاعر
مش ضحك"بضم الخاء على رأى خبيب"
وكمان يا أشرف علشان رمضان

كل سنة وأنت فى إزدهار ورضا
وتكمل فى الطريق وتحقق أحلامك

مع أغلى تحياتى
السلام عليكم ورحمة الله

NilE_QueeN يقول...

مبروك الشهر الفضيل ومبروك صدور الكتاب اتمنالك دوام التوفيق
ياشرف يا توفيق

kareem يقول...

الف مبروك يا اشرف
الصور موجوده في الفيس بوك عند احمد الصباغ و عندي و معلش اسف اني مستازنتش قبل ما انشر قصيده ليك بس بجد مقدرتش امسك نفسي
و كان نفسي اسمع منك قصيده الدبدوب في الحفله بس انشاء الله في التوقيع الثاني حسمعها

شيماء الجمال يقول...

يا سيدي انت بتشكرني على أيه ؟! دي أقل حاجة الواحد يعملها لما يشوف كتاب بالحلاوة دي ..أنا جبت من كتابك 3 نسخ هدايا لأصحابس من كتر ما حسيته لذيذ و هيفرفشهم ..تحياتي يا أشرف :)

hesham يقول...

ايه الحلاوة دى و الجمال ده

الف الف الف ديشليون مبروك يا ريس

و عقبال كده ما ربنا يكرمك و تكتب لنا كمان كام كتاب و بعدين البلية تلعب و تدوس فى مسلسلين كوميدى و تختم بفيلم كوميدى مع السبكى

انا مستنى اماكن توزيع الكتاب فى اسكندرية على نار

و النسخة هتفضل معاياي عشان اول ما شوفك ان شاء الله تظرفنى التوقيع المتين

تحياتى و يا عسل و من نجاح الى نجاح ان شاء الله

هش

خمسة فضفضة يقول...

السلام عليكم ورحمة الله وبركاته

مبرووووووووووك للمره المليون

وكمان مبروك علي الخطوبه ويارب عقبال الزفاف قريب
كل سنة وانت طيب رمضان كريم

شموسة يقول...

الف مبروك ياأشرف للكتاب،

وكنت أتمنى أكون موجودة لكن ان شاء الله تتعوض.

ألف مبروك مرة تانية

شمس

مروة جمعة يقول...

أشرف بيه رئيس الجمهورية
مبروك حفل التوقيع الرائع فعلاً
وكل سنة وإنت طيب بمناسبة الخطوبة
وألف مبروك بمناسبة رمضان (شفت إزاي؟!) ههههههههه
على فكرة بجد كان من المفترض أن تعزمنا على حفل الخطوبة عشان نعمل لك ليلة طربية عال "أغاني رياض السنباطي على عبد الحليم على سيد درويش!"- قوم يا مصري مصر دايماً بتناديك!-.. أمال إحنا كنا في الكورال في الجامعة عياقة!.. رمضان كريم ومن توفيق لتوفيق.. يارب

ـ-ـ- أحمد عبد العدل-ـ-ـ يقول...

كل سنة وحضرتك طيب يا أستاذ أشرف وألف مبروك الخطوبة والكتاب ورمضان كريم
أنا كلفت حد يجيبلى الكتاب بس يارب يعرف .. أطيب تمنياتى بدوام التوفيق

قلب مصرى يقول...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

مهيج الجماهير يقول...

الف الف الف مبروك
و كان نفسى أحضر و الله
عامة
رمضان كريم
و انا مستنى أماكن التوزيع فى البحيرة أو اسكندرية
تحياتى

TAFATEFO يقول...

كل عام وانت بخير يا جميل

mthlykaweyy يقول...

هاى

ازيك عامل ايه

بلوج جميل او لزياره لى
اعرفك بنفسى انا مثلى قوى من المثلين العرب

ساذورك دائما وسانتظر زيارتك لى


لا تتاخر

تحياتى

MaGn0liA... يقول...

كل سنه و انت طيب

و مبرووووووووووووووووك

و للاسف كان نفسى اكون حاضره

مبروك تانى

رمضان كريم

hend...hanady يقول...

الف مبروك على الكتاب بس متنساش تبقى تقول منافذ البيع فين فى جميع المحافظات
وكل سنة وانت طيب وربنا يتقبل منا ومنكم صالح الاعمال

maha zein يقول...

مبرووووووووووووووك
بجد مبروك
واموت واشتري الكتاب
بعتذر عن عدمحضوري لان عارف ترويق الشقق والكلام ده عشان رمضان والمدارس
عموما ماما مردتش لاني كنت قبلها في حفلة مدونات مصرية
عموما الف مبروك
والحفلة التانية من غير قر اكيد هاجي بس يا رب متكونش علي عيد الفطر عشان تنضيف عيد الفطر
يلا مبروك

saso يقول...

مبروك يا استاذ اشرف الففففف مبروك

انا من ساعه معرفت ميعاد التوقيع وانا بعت والله اجيب الكتاب من كايرو

بس لسه مش وصل

ياريت تبقي تقول مكان بيعه في المنصوره بليز

وتانى الف مبروك وكل سنه وانت طيب وعقبال الكتاب التانى بعد المائه

pusssssy يقول...

سمعت ان احنا بلديات ... هو الكلام ده صحيح ولا ايه....

والله ودخلتى التدوين من اوسع ابوابه يابت يابوسي.. اشرف باشا توفيق بجلالة قدرة طلع بلدياتك...ههههههههه

كل سنه وحضرتك طيب والف مبروك ع الكتاب....

ارجو ان تتقبل مرورى ....

Pusssssy

فوكيره يقول...

كـل سنه وانت طيب وكل الحجات الحلوه الي في الدنيا

وربنا يقدرك ... ويكرمك بالطاعات في رمضان ويجزيك خير الجزاء

ومبروك الف مره تانى وتالت ورابع ..

عاااااااااااااااااايزه اقرأ الكتاب بقا ...

يااا مسهل يا رب الفرج من عندك نسافر بقا :))

مصطفي ريان يقول...

كل سنةوانت طيب ياجميل
فرحان قوي اني كنت معاك في الحفلة واني شوفتك وشفت الصباغ وسو غادة عبد العال وكل الناس الحلوةدي وكمان اخدت نسخة موقعة منك
-( كدة قرائك هيحسدوني ) بس بجد الكتاب حلو قوي يا اشرف هو كوميديا سوداء انت ضحكتناعلى همومنابدل مانبكي عليها
الف مبروك وعقبال الاطبعة ال100

esraa يقول...

طبعا الحفله كانت نقصاني
(:

كل سنة وانت طيب يااشرف
ورمضان كريم

ويارب يكون سعيد عليك
(:

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

شملولي بن سحلولي يقول...

مبروك يا اشرف
بس انا شفت الحفلة علي اليوتيوب كان فيه هيصة كتير وانت بتتكلم مش عارف ليه
وانت بتقول الزجل كان فيه هيصة اكتر
وانت اصريت برضه تقوله
مبروك يا اشرف الكتاب وعقبال الاعداد اللي جاية ان شاء الله

meshmesh يقول...

انا جيت ونورت البلوجات تانى
كل سنه وانت طيب يا اشرف
يارب تكون فاكرنى

bos bos يقول...

كل سنه وحضرتك طيب

ومبروك على الكتاب

Dexter! يقول...

الف مبروك يا أبو اشرف

سعيد بقائك في الحفله

لو موش فاكر البيك رولز يفكرك هع هع

سعيد بيك جدا

و ربنا يستر و الكتبا ينجح و ما" يتبهوقش" زي البوستات بتاعتك

:D

Ahmed Al-Sabbagh يقول...

تغطية الحفلة اهى يا ريس

http://ahmedelsabbagh.blogspot.com/2008/09/blog-post_2770.html

عايز تسييح بقى

والف مبروك ليك ولينا

احمد

Ihab Omar يقول...

يا باشا باذن الله تعالي الكتاب يكون فاتحة خير عليك و تبقي كاتب ساخر زي احمد رجب باذن الله تعالي

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

يعقووبوو يقول...

أنا افرح عندما اجد مدون يصدر كتاب

سأضيفه إلى قائمة كتبي



يعقوب من الكويت

يوميات نائمة في الأرياف يقول...

الف الف مبروك يا اشرف
ده اول مرور ليا عندك
انشاء الله ميكونش الاخير
تحياتي ليك وكل سنة وانت طيب
رنا

قلم رصاص يقول...

ألف ألف مبروك يا أشرف بيه
بجد من قلبي فرحان لك رغم اننا منعرفش بعض بشكل شخصي الا اني بحبك والله.. ومتابع كل أخبارك من المدونة

وبالطبع نسختي الممضية هتوصلني على البيت .. انا هسيب لك رقم الموبايل في الكونترول مع المخرج .. مستني النسخة بعد الهوا
هههههههههههههههههههههه

بالتوفيق يا أشرف توفيق

شريف طلال يقول...

أشرف باشا معلش واللهى مقدرتش أجى فعلاً كان عندى شغل واللهى و لو مكنتش جيت مكانش برنامج من( خمسه لسته) ألى بيجى على القناه التانيه أتعرض يومها لأنى شغال فيه
ههههههههههه
معلش واللهى بس ملحوقه أن شاء الله
أعتذر يا صديقى و بعتب عليك رغم كل ده (معنديش دم صح؟؟) عشان مش بتنزل موضوعات جديده و نايم اووووووى
اشوفك على خير ان شاء الله

شاب مصري مفروس يقول...

مبروك يا استاذ اشرف
ويارب يكون الكتاب اول القطرة من سيل الكتب ان شاء الله

-----------------
توفيت والدتى قبيل شهر رمضان المبارك
كل ما ارجوه منكم هو الدعاء لها بالرحمة والمغفرة
رحمها الله وغفر ذنوبها وادخلها فسيح جناته آمين
الفاتحة أمانه

wagdy El-Komy يقول...

مدونة وجدى الكومى عليها أخبار رواية شديد البرودة ليلا الصادرة عن دار العين للنشر ودا رابط جروب الرواية على الفيس بوك
http://www.facebook.com/group.php?gid=21750116718

مهندس مصري يقول...

مبروك على الكتاب و كل سنة و انت طيب
:)

darsh يقول...

ألف مبروك يا ريس للمره الألف بعد المئة الثالثة ... والله العظيم واحشني جداً

سمو الأميرة سارة يقول...

الف مليوووووووووووووووووووون مبروووووووووووووك ع الكتاب .. والف مليووووووووووون مبروووك ع الخطوبة اللى لا عرفنا عنها حاجة ولا اتعزمنا عليها و هنعمل نفسنا معرفناش ومش هنزعل اننا ما اتعزمناش هههههههههههه شوفت الكرم .. لأ بجد الف مليووووووون مبرووك ومن نجاح لنجاح يارب دايماً .. وربنا يسعدك ياااااارب اللهم اميييييين

أخف دم يقول...

السلام عليكم
بجد مش عارف ارد أقول ايه
عموما الله يبارك فيكم جميعا ومشرفنى ومنورنى دايما وربنا يديم المعروف وربنا يقدرنى اكتب دايما اللى يفيد ويبسط ويفرح
دعواتكم وآراءكم دايما
أشرف

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه

文章 يقول...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 長灘島 長灘島旅遊 ssd固態硬碟 外接式硬碟 記憶體 SD記憶卡 隨身碟 SD記憶卡