اخبار

الأحد، 10 أغسطس، 2008

عناوين الصحف بعد مبسوطة يامصر!!


تحديث
حفلة التوقيع منتصف هذا الأسبوع إن شاء الله.. دعواتكم واقتراحاتكم
ــــــــــــــــــــــــــــــــــــــــــــــــــــــــــــ
الأهرام

- الرئيس مبارك يأمر بتعيين ثلاثة مليون شاب ردا على صدور كتاب "مبسوطة يامصر"
- الحزب الوطنى يؤكد : مصر مبسوطة برغم أنف الحاقدين
- محمود محيى الدين: لا خصخصة لكتاب مبسوطة يامصر !!
- مصرع وإصابة مائة وأربعين مواطنا على طريق مطروح بسبب الكتاب!!
- فى لفتة إنسانية : الرئيس يأمر بدفع إيجار الشقة شهرين لأشرف توفيق !!

الدستور

- هل جمال مبارك وراء كتاب مبسوطة يامصر؟؟
- استفتاء شعبى للدستور: أشرف توفيق رئيس مصر القادم !!
- هل يشعر مبارك بالراحة عندما يرى تذكرة المترو على غلاف الكتاب؟؟
- ما سر القلم الرصاص الذى كان مع أشرف توفيق بيشخبط بيه فى بروفة الكتاب قبل ما يروح المطبعة؟؟
- ما حكاية المقابلة السرية بين أشرف توفيق وبين ناشرى الكتاب فى محطة مترو دار السلام؟؟
- سألنا وزير التضامن الاجتماعى عن سبب طوابير العيش فأجاب : أشرف توفيق طبعا!!
- الدستور تنفرد بنشر تفاصيل المشادة الواقعة بين أشرف توفيق وصاحب العمارة عشان أجرة البواب!!
- أحمد عز يؤكد: مش حتة كتاب اللى هيخلينا نخفض سعر الحديد !!

الأخبار

- مقال ممتاز القط: وعهد الله بنحبك ياريس ومصر مبسوطة بيك
فى عهدك ياريس بقى فيه 010 و 012 و 011 وكمان بقى فيه مبسوطة يامصر !!
- السيدة سوزان مبارك تفتتح مركز "مصر مبسوطة غصبن عنك" للطفولة والأمومة !!
- غدا إضراب عام فى الشوارع والميادين ضد استعباد أشرف توفيق لعقول الشعب !!

روز اليوسف

- مقال عبد الله كمال: إن المدونين إخوان الشياطين !!
- مقال كرم جبر: علاقة أشرف توفيق بأسامة بن لادن وراء مبسوطة يامصر !!
- هل يصبح سوق الكتب مرتعا لكل من هب ودب !!
- إجراءات أمنية مشددة للقبض على الزنديق المؤلف !!
- نعم لتطبيق قانون الطوارئ وقانون الإرهاب وقانون البث الفضائى على الكتب !!
- يوسف بطرس غالى: الضرائب مستمرة وعهد الله ولن تتأثر بصدور الكتب !!
- توجيه تهمة الإضرار بالاقتصاد المصرى لأشرف توفيق بسبب انهيار البورصة بعد صدور الكتاب !!
- المواطن (س.ص.ط.ظ.ع.غ) يرفع قضية على أشرف توفيق بسبب أن ابنته لا تستطيع النوم من الخضة بسبب صدور الكتاب وقلقها على مستقبل مصر !!

الفجر

- انفراد :المذكرات الجنسية السرية لأشرف توفيق التى أرسلها لأى حد مش مهم !!
- مقال محمد الباز : ما سر الخلاف بين القس سرجيوس والأنبا قسطنطين والشيخ عادل ومحسن بتاع المكواة على كتاب مبسوطة يامصر؟؟
- الفجر تنفرد بنشر الذمة المالية وممتلكات أشرف توفيق
- الكاتب يمتلك قصرا فى بولاق ابو العلا.. وفيللا فى ترب اليهود !!
- المفاجأة: أشرف توفيق غير متزوج .. ويمتلك خط موبينيل !!

المصرى اليوم

- شعب دمياط يطالب بإزالة مصنع أجريوم وبناء مصنع "مبسوطة يامصر" بدلا منه !!
- حفلة توقيع الكتاب مازالت مجهولة .. والداخلية تنفى مسئوليتها !!
- هولمان يؤكد: كنا الأفضل فى الملعب ولكن "مبسوطة يامصر" هو السبب.. وجوزيه يرفض التعليق !!
- إنشاء المجلس الأعلى لقهر الكتاب الشباب بميزانية مليار جنيه !!
- النسخة الأولى من الكتاب لم يتسلمها المؤلف بعد ..وأنباء عن الانتهاء منها فى تمام الساعة السابعة وخمس دقايق وأربع ثوانى فى يوم مجهول.. واحنا مش مسئولين كالعادة!!

وشوشة

- أسرار وجود البيكينى فى حفلة توقيع "مبسوطة يامصر"!!
- هيفاء وهبى فى حوار خاص لوشوشة : زعلت من أشرف عشان ماسماش الكتاب : مبسوطة ياهيفا؟؟
- أسرار سهرة أشرف توفيق فى وسط البلد بعد نص الليل !!
- هدية العدد: بوستر أشرف توفيق وهوه بيحلق دقنه وبيظبط السوالف!!
- بالصور : أشرف توفيق يتبادل القبلات مع الواد عبد الله ابن البواب اللى عنده أربع سنين!!

هناك 53 تعليقًا:

أخف دم يقول...

صباح الفل عليكم
من المعروف ان كل جرنال له بصمته الخاصة فى عناوينه وخط سيره.. دى مجرد تريقة أو سخرية على أى موضوع وجيت موضوع الكتاب عشان هوه الحدث اللى بامر بيه دلوقتى.. يعنى والله ماقصدش انى اقول ان الكتاب هيعمل حاجة.. دى مجرد إرهاصات ساخرة.. ويارب الكتاب لما ينزل يعجبكم

خمسة فضفضة يقول...

السلام عليم ورحمة اللهوبركاته

الف مبروك يا اشرف علي الكتاب ويارب يكون فاتحة خير عليك وعقبال ما نقرالك الكتاب الالف بعد المليون

سلام

شيماء الجمال يقول...

الف مبروك ع الكتاب و بجد المدونة دي من أقرب المدونات لقلبي :)

عاشــــــ النقاب ـقــــة"نونو" يقول...

انا مبسوطة وفرحانة بمبسوطة يا مصر وهشترييييييييييييييييه
الف مبرووووووووووووووووووك
وكل عام وحضرتك بخير وسعادة ومن مبسوطة يا مصر لمبسوطة تاني
ومن نجاح لنجاح
تحياتي

Mohamed Hamdy يقول...

الف مبروك على الكتاب بس بصراحة البوست ده معجبنيش زى باقى البوستات الى فاتت

بالتوفيق وعقبال الكتاب الالف ان شاء الله

مـحـمـد مـفـيـد يقول...

مبروك يا ريس علي الكتاب
وبعدين أحمد المسلماني هيجيبك بدلا منه في الطبعه الاولي بعد كده
:)))))

فوكيره يقول...

الي متابع الصحف دي باستمرار ادييم يعنى ...

حيقدر قيمه كل حـرف في البوست ده

..

مبروك الف مره يا استاذنا ...

بجد حمووووووووووووت واقرأ الكـتاب

بالتوفيق والنجاح والرضا ياار ب

محمد فكري يقول...

اشرف باشا..
ألف ألف مبرووووك ع الكتاب..
وان شاء الله يعمل صدى جامد جداً زي ما انا متوقع..
وياريت يا أشرف نعرف أماكن التوزيع...ويا ترى هايكون موجود في المنصورة ولا لأ
........
سلام

A.SAMIR يقول...

الف الف مبروك
وتامر امين في البيت بيتك يؤكد ان اللواء حبيب العادلي صرح ان مصر مبسوطة رغم انف المعتقلين
تحياااتي

أحمد كمال يقول...

ألف مبروك على الكتاب ، و ربنا يستر عليك من تغطية الصحف ، المهم يكون في تغطية :)

ألا بالحق اللي مكتوب في الفجر ده صحيح؟

لماضة يقول...

ههههههههههههه
والله يا اشرف انت زي العسل بجد
انا مستنيه ينزل يا باشا وياريت الاقيه في اسكندريه عندنا اقرب وقت
لو ملقتش يبقى ليه نسخه ممضيه في ذمتك

Somebody U Certainly Know Him يقول...

و الله العظيم أكثر من رائع
انا فطست م الضحك
بس ليا سؤال و تجاوبه بصراحة
انت بتكتب البوست عفويا من دماغك ولا بيحتاج ف الاول شوية بحث و تدوير?

Noha El-arabi يقول...

حتودينا في داهية بكتابك
بس حنشتريه برده
:)

محمود محمود يقول...

ازيك يا أشرف
بقى ياراجل تخلينى أقول الكلام الحلو فى البوست اللى فات عشان أخد نسخة ببلاش وتقول هاتشترواالكتاب برضه؟
ماشى ياعم
طب ايه رايك انى بعد ما أى حد يشتريه هاخده منه وأصوره!!
ومش هاشترى يا أشرف
انا قضيت أربع سنين جامعة ماشترتش كتاب
بس مبروك برضه

Do not Press F1 يقول...

السلام عليكم

انت نسيت ميكى وعلاء الدين والنبأ واخبار الرياضة ووالحوث
ههههههههههههههههههههههههههههه

مستنين الكتاب
هينزل امتى ياريت يكون قريب اوى

سلاموز.

جومانا حمدي يقول...

أنت نسيت ميكي جيب

ومجلة ميكي يا اشرف

ونسيت كمان

النبأ

ازاي تنسي تشوف اراء الناس المهمة دي

هههههههههههه

الف مبروك الكتاب وكلنا منتظرينه بإذن الله

maha zein يقول...

هههههههههههههههههههههههه
لا تمام
كده انت تمام
وربنا
وعلي رأيك وعهد الله تمام
طب مصر مبسوطة وانا لا طيب
اقول ايه
يخرب بيت خفة الظل
متنساش بقه ذي ما وعتني في حفلة مدونات مصرية
ذي الشاطر
تزورني
لا تقولي كتاب
ولا مبسوطة ولا مئشعرة يامصر
اه
الوع دين
وانت ديونك كترت
ربنا يباركلك فى كتابك
وبالنص بقه يا مريسة
تحياتي
ليك
وولة يتشددلك
دمك بجد شربات
هاه مبسوط يا اشرف

TAFATEFO يقول...

لما اعلان الكتاب كده .. امل الكتاب يبقى عامل ازاي ؟؟!!

:D:D:D:D:D

غير معرف يقول...

ههههههههههههههههههه بجد بجد يا اشرف ربنا يحميك

ياريت مش تنسى تقلنا هينزل امتى وفين وسعرة كمان ربنا يكرمك هههههههههه


جوجو

عبد الحميد محمود يقول...

جميل يا أشرف

بجد أنا فرحانلك

وانت فعلا موهوب في الكتابات الساخرة

ربنا يوفقك

كإنسان

وككاتب

وكشاعر

خالص تحياتي

(وحشتنا)

ياسمين حميد يقول...

ألف ألف مبروك
حينزل امتى والطبعة دي كام نسخة؟

غير معرف يقول...

مستنين الكتاب بجد
ومستنين تقولنا هو فين ومنين وبكام

وياريت طبعا مايطلعش تجميعة لبوستات المدونة

بانتظااااااااره وقلنا على اخر اخباره

قلم رصاص يقول...

السلام عليكم

ازيك أستاذ أشرف
والله بجد بوست جميل كعادتك معانا
بارك الله فيك

بجد منتظرين الكتاب

على المصيلحي : مصر مبسوطة رغم أنف المطحونين والجعانين

ههههههههههههههههه

سلام ياباشا

حمامة يقول...

فظيعه وبجد تحفة
انا اتخضيت والله مش لحاجة ان عارفه انه تريقه
بس كنت خايفه يكون الكتاب نزل وانت مقولتش
ابقى قول بقى علشان لو نقدر نيجى ان شاء الله

ربنا معاك يارب ويوفقك :)

غير معرف يقول...

موهبتك كانت ممكن تبدع بوست أحلى من ده بكتير زى ماكنت دايما بتبدع
ألف مبروك الكتاب

Amr Fekry يقول...

محسن بتاع المكواة؟

هو مش كان بتاع الفول؟ :D

ayman badr يقول...

أكيد الكتاب هيبقى ليه الصدى ده يا أشرف شد حيلك الجاى اصعب
تحياتى

الإتربي اللولبي يقول...

يخرب بيت جمالك يا أشرف

أولا مبروك الكتاب

بس حبكت تبوس ابن البواب و تسيب جريده مغرضه تستغل ده لصالحها ؟؟؟

عموماأنا مبسوط عشان حاجات تانيه

عدي على المدونه عندي تعرف أنا مبسوط ليه

و يا ريت تعليقك عشان اعرف بزيارتك

سلام عليكم

hend...hanady يقول...

ايه ده انت غيرت شكل المدونة بقى شكلها يدعوا للتفاؤل هل ذلك له علاقة بمبسوطة يا مصر ولا ايه
وبعدين لما انت موبينيل متخف شوية على سويرس ولا ده خلالنا الدقيقة لاى موبينيل بعشرين قرش بس المشكلة ان الموبينيل مش كتير
ممكن تبعتله نسخة من الكتاب فيشتريلك شقة بدل ما يشترى نادى روما ولا شركة اتصالات

بس ابقى افتكر تهدى الكتاب للمدونين اهو يمكن يلمولك تبرعات لدفع الايجار بدل ما يدبس فيها الريس

محمد إبراهيم محروس يقول...

الف مبروك الكتاب
وإن شاء بالنجاح

خالص تحياتي

esraa يقول...

هههههههههه

انا كنت قريتهم علي الفيس بووك

بس جامدين بجد

محمد الكومي يقول...

نسيت النبأ

نبيلة عبيد تؤكد اعجابها بمصر المبسوطة

اكدت الفنانة نبيلة عبيدة انها معجبة جدا ان مصر مبسوطة و ان يا رب اللي ماينبسطش في ستين داهية

الانبا توماس في ندوة بالكونجرس

هل انت مبسوطة يا مصر

انفراد صحفي للنبا

لا علاقة بين ندوة الانبا توماس و اشرف توفيق

عن علاقة توفيق بالادب

توفيق الحكيم
اشرف توفيق
احمد خالد توفيق

مبسوطة يا مصر في عقل كل سائح يزور البلاد

كل سائح خاصة ان كان عربي يتساءل في سره هل انتي مبسوطة يا مصر بشارع الهرم و موزز شرم و السخنة و راس غارب

aya يقول...

هههههههههههههههههههههه
والله انت ملكش حل
انا كنت هافطس من الضحك يا اشرف

بجد الف مبروك الكتاب واحنا منتظرينه اهو

ربنا معاك

انا مصرى ورافض صمتى يقول...

مبسوطه يامصر

استاذ/ اشرف تحيه من القلب لشخصك المبدع

فى انتظار مصر المبسوطه

والف مبررووووووووووووك

تحياتى

mostafa rayan يقول...

مبروك مقدما
بس اكيد المواطن (س.ص.ط.ظ.ع.غ)
دة هو المحامي اياه ( ن .ا)
تحياتي لك

TAFATEFO يقول...

Grrrrrrrrr
تاني مره
امبارح كنت رايخ وكنت متعشم اني أقايل سيادتك في توقيع ديوان عادل "إليك يسير الطريق" .. ومجيتش
Grrrrrrrrrrrr

الطبـيـبـه الأديـبـه يقول...

لسلام عليكم
أخف دم فعلا هههه
لست من متابعى المدونه فلم أفهم شيئا من البدايه لكن بعد الانتهاء من القراءه أدركت أنه عن كتابك

ربنا يوفقك فيه وألف مبروك لنشره

إنـســـانـة يقول...

لولولولولولىىىىىىىىىىىىىىى


مبروووووووووك يا استاذنا .. ايوة كدة عازين نعوم على وش الفتة بقا

وتطلع فى التللافزيون وتعمل باي باي لكاميكاز وتبقى ليلة يا عمدة

على فكرة انا لسة عند وعدى .. لو الكتاب ماشى فى السليم حنحطك فوق راسنا ولو طلع ملبخ فى الحكومة مانعرفكش

وابقوا افتكروا الجمايل دى بقا يا برنس


المهم بس بقولك ايه .. اول ما ينزل مع الباعة ادونى خبر بس .. اول ما تسمع خبر انه فى مكتبة هانى مدبولى اللى فى شارع محى الدين ابو العز قولى .. عشان هى جمب الشغل واقرب مكتبة ليا

ولو فى عمر بوك ستور قولى بردو ابعت الواد كوكو يجيبها فى السريع

وابقى قول حفلة التوقيع امتى وفين عشان نبعت الواد كوكو بدل ماهو قاعد كدة لا شغلة ولا مشغلة يجيب الساقع والجاتوه وسندوتشات اللحمة اللى فى الحفلة وياريت التوقيع يكون على ورق اللحمة .. حبقى ذكرى تحفة اوى صدقنى

المهم الف مليون مبروك وبجد فرحنالك اوى وربنا يارب يكمل فرحتك على خير والكتاب يفرقع ويبقى حاجة جامدة اوى اللهم امين

يلا كل سنة وانت طيب بقا

هابى رمضان

:D

قلب مصرى يقول...

يا باشا ألف مبروك على الكتاب وإن شاء الله لازم تنزل بوست بميعاد ومكان حفل التوقيع علشان نحضر.

مهيج الجماهير يقول...

و الله العظيم انا مش قادر أوصف سعادتى بجد انى قابلت حضرتك امبارح
لأن حضرتك فعلاً من الناس اللى لما فكرت أدخل عالم التدوين كان نفسى أبقى زيهم
الى الأمام دايماً
و ان شاء الله ان شاء الله هحاول أحضر حفل التوقيع بتاع كتابك
بس لو مجيتش أتمنى تبقى عارف ان عندى ظروف هى اللى خلتنى ماجيش
خالص تحياتى و احترامى

أخف دم يقول...

السلام عليكم
صباح الفل والورد والياسمين
يا سلام لما تلاقى ناس كده تحبك وتتمنالك الخير.. بيتهيألى دى أهم متعة فى الحياة.. عموما من غير كلام كتير.. ربنا يخليكم ليا
محمد حمدى.. ربنا يكرمك عىلال تهنئة ومش لازم كل البوستات تبقى على نفس الدرجة .ز ويارب اقدر اكتب حاجة تانية تعجبك قريب.. بس هيه كانت خواطر ساخرة ع الماشى بس عشان باستنى الكتاب.. منورنى تانى وتالت طبعا ومستنيك فى حفلة التوقيع
شخص ما أكيد أنا اعرفه يعنى
والله انا باتعامل مع اخواتى واصحابى واخبائى فأنا باكتب اللى ف نفسى من غير ما نسق واظبط . بس ده ميمنعش انى باحبث عشان تبقى المعلومة صحيحة وخصوصا ان فيه ناس بيثقوا ف كلامك ورايك .. يبقى لازم تدى المعلومة صحيحة
وبلاش غيبة تانى
محمود محمود
انا عامل حسابى وعامل علامة مائية .. يعنى هتشتريه هتشتريه . ههههههههههه
مستنيك فى الحفلة تنورنى طبعا . وتشترى
غير معرف
أتمنى انى اكتب حاجة أحسن المرات الجاية .. ومعلش عشان انشغالى فى الكتاب ومنرونى دايما
عمرو فكرى
مستنيك بجد عشان عايز اشوفك يوم التلات فى الحفلة.. وبعدين محسن ده بتاع اى حاجة ف مصر.. ده الزعيم رقم صفر الذى لا يعرف حقيقته أحد.
طفاطيفو
والله يامصطفى من كلامك الحلو وحرصك انا نتقابل كنت عاوز اتصرف واجيلك البيت ياعم .. انا عارف انى مقصر بس بجد ف نفسى اشوفك انا كمان واتعرف عليك وخصوصا انى متابعك وعلى يوتيوب كمان.. ومستنيك يوم التلات عشان تعزمنى على كانز شويبس
مهيج الجماهير
انت حبيبى وربنا يكرمك على كلامك الحلو.. انا اللى اتشرفت بمعرفتك وبذوقك وبأدبك.. وان شا ءالله احنا اصحاب علطول.. ياريت تنورنى يوم الحفلة هابقى سعيد جدا
ثم أما بعد
مستنيكم ياجماعة إن شاءالله يوم التلات الساعة سبعة ونص فى مكتبة البلد أعلى كافيه سيلنترو خلف الجامعة الأمركية.. يعنى تدخل من عند هارديز.. هتنورونى وشكرا على اهتمامكم وتشجيعكم
أشرف توفيق

تخاريف خاصه! يقول...

الف مبروك يا استاذ اشرف على الكتاب..وان شاء الله ربنا يوفقك..ونشوف كتابك التانى والتالت ان شاء الله....

سيد البلد عمك و تاج راسك يقول...

انا هعمله دونلود من ع النت اصلى اسهل و احسن ليييييييييييه

عشان مش هروح مشوار عشان اجيبه ده كلها تكة مووس

و عشان مش هدفع فلوس تمنه و احمله بلوشي

غير معرف يقول...

يا جماعة لو سمحتم انا عايز الكتاب ده ضرورى جدا اشتريه منين؟ لو متوافر على النت حد يرد على الميل بتاعى
tatotota777@msn.com
هكون شاكر جدا ليكم
م/ تامر صلاح عبد الوهاب

Tamer .Soliman يقول...

بجد كلامك جامد هادف وذو معني انا قريتلك مقالة الاعلانات والبسين وجامدة جدا ولاعزاء لرواد مارينا ..

بارك الله لك واعزك بالاسلام.

تحياتي تامر سليمان
ارجو منك زيارة البلوج بتاعي وتقولي رايك هو بيزنس شوية بس برضه مستني رايك

http://sales-e-commerce-tamer.blogspot.com/

غير معرف يقول...

انااشتريت الكتاب


كتاب حلو بس الصراحه
فيه حاجات هلس كتير

ومش قريب قوى للواقع

يا ريت متزعلش منى

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

watch jersey shore يقول...

Great read thanks

غير معرف يقول...

magnificent publish, very informative. I ponder why the other experts of this sector don't realize this. You should proceed your writing. I'm sure,
you've a great readers' base already!

my site - xbox discount

غير معرف يقول...

I really like what you guys are up too. This sort of clever work and exposure!
Keep up the very good works guys I've added you guys to my blogroll.

My web page :: the truth about six pack abs Negative reviews

غير معرف يقول...

Whats up very cool site!! Man .. Excellent .

. Superb .. I will bookmark your website and take the feeds also?
I'm glad to seek out so many helpful information right here within the publish, we need develop extra strategies in this regard, thanks for sharing. . . . . .

Feel free to visit my web page; does penis advantage work

غير معرف يقول...

Hey there! This post could not be written any better!

Reading through this post reminds me of my good old room mate!
He always kept talking about this. I will forward this page to
him. Pretty sure he will have a good read. Many thanks for sharing!


My site; cellulite treatment cream

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه