اخبار

الأحد، 29 مارس، 2009

موعدنا

تحديث
آسف لكل الناس اللى بعتوا إيميلات أو على الفيس بوك أو على المدونة اللى سألوا عن غيابى سواء عن الدستور أو المدونة وباشكرهم جدا.. شوية تعب وراحوا لحالهم الحمد لله.. إن شاء الله معاكم قريبا جدا كما كنا.. شكرا تانى
ــــــــــــــــــــــــــــــــــــــــــــــــــــ
معلش على التأخير

أدعوكم جميعا لحضور اللقاء الشعرى الساخر مع العبد لله.. ياريت اشوفكم جميعا ونقعد كمان قعدة لطيفة خفيفة زى ما اتعودنا.. ويكون يوم حلو عليكم وعلينا يارب.
الزمان يوم الثلاثاء 31 مارس الساعة الحادية عشرة صباحا
المكان كلية التجارة جامعة المنصورة مدرج تلاتة (3) بجوار المسجد ..(هما اللى قايلين لى المكان كده والله)
فنرجو من سيادتكم الحضور واللى مش هيلاقينى ..على الأقل هيصلى ركعتين فى الجامع اللى جنب المدرج.. والأجر والثواب على الله
واللى عايز توقيع على كتاب (مبسوطة يامصر؟) ممكن يجيب الكتاب من مكتبة بوكس أند بينز وأنا إن شاء الله أوقعه بعد الندوة
أشوفكم هناك

هناك 21 تعليقًا:

عمرو فكرى يقول...

قول يارب ^_^

وامسح اللينكات الابيحة اللى ف تعليقات البوست اللى فات ^_^

صمت المشاعر يقول...

هو الميعاد مينفعش يتغير علساعه 12

عندي محاضره الساعه 11

نحاول ان شاء الله نحضر

مسدس صغير يقول...

ربنا يسهل ان شاء الله يا عم اشرف
اعمل حسابنا بقى
ربنا يوفقك

ايوشة يقول...

كالعادة فى المواقف اللى زى كده بقول انى فى منفىىىىىىىىىىى ومش بينفع احضر اى حاجة
هو الواحد هيطق من قليل ربنا يتوب عليا بئا من المحافظة النحس دى :(
ان شاء الله موعد موفق باذن الله :)

Bondoka يقول...

الف مبروك يا سيدى اللقاء الشعرى

بس المنصوره دى بعييييييييد اوى

مالها يعنى جامعه عين شمس
:)

شيركو شاهين يقول...

الف مبرك على الندوة وانشالله الموفقية في جميع نشاطتكم العملية والحياتية اخوكم من العراق شيركو شاهين

mosooz يقول...

انا جيت
وكانت بجد ندوة رائعة وجميلة
وانت كنت منورنا بجد وياريت تكررها تانى

نهر الحب يقول...

لقاء تدوينى يوم الجمعه 10/4
ببورسعيد اللقاء عبارة عن تجمع للتبرع للايتام المعاقين
ولقاء وتجمع تدوينى بعدها
ان شاء الله
ياريت تشرفنا
التفاصيل عندى وعند ماما امولة

طالبه مقهوره يقول...

انا حصرت الندواه وكانت جامده جدا وفعلا طلعت اخف دم كنت مبسوطه جدآ انى حضرتها وعجبنى اوى وجهه نظرك فى حاجات كتير بصراحه كان يوم جميل

غير معرف يقول...
أزال أحد مشرفي المدونة هذا التعليق.
العيسوى الصغير يقول...

كانت ندوة جملية فعلا وترجعلنا بالف صحة ان شاء الله

سومه...مجنونه فى بلد عاقل يقول...

بصراحه الكتاب هايل وتسلم ايدك فعلا

hend...hanady يقول...

جمدالله على السلامة وبالتوفيق ان شاء الله

أخف دم يقول...

السلام عليكم
ربنا يكرمك ياجماعة على كلامكم الجميل.. شكرا لكل اللى حضروا الندوة ويارب يكونوا انبسطتوا زى ما قالوا.. شكرا لك اللى اشترى الكتاب وقال راى فيه سواء بالسلب أو بالإيجاب.. شكرا لكل اللى الظروف مساعدتوش انه يحضر الندوة أو يجيب الكتاب.. ويارب أقدر اروح كل محافظات مصر وربنا يقدرنى عشان ازوركم فى أماكنكم جميعا..وشكرا لكل الى سأل عن صحتى ودعالى.. أنا بحمد الله كويس بفضل الله.
دعواتكم ومنورين

باسم يقول...

بعد اذنك يا أشرف طبعا أنا أخدت القصيده وغالبا هقولها كتير ,فى ندوة ,فى قعده,فى كل فرصه فخرا منى إنى عرفتك فى يوم

baska يقول...

تانى مره باتمنالك التوفيق يكون من نصيبك

Sonnet يقول...

تحياتى لأخف دم
http://shayunbiqalbi.blogspot.com/2009/05/blog-post_27.html

محمد فكري يقول...

كان يوم بديع يا أشرف :)
..
نشوفك على خير ا ن شاء الله

theone يقول...

ايه يا استاذ اشرف
مفيش شكر لاسرة رسالة ولا للناس القائمين على التنظيم

Borsa يقول...

thanx for this nice blog and please let me take a copy to my site

مشاهدة مباراة مصر والجزائر بث مباشر

بث مباشر مباراة مصر والجزائر

شاهد مباراة مصر والجزائر

مشاهدة مباراة مصر والجزائر

مشاهدة مباراة المغرب والكاميرون بث مباشر

مشاهدة مباراة تونس وموزمبيق بث مباشر

مشاهدة مباراة البحرين ونيوزيلندا بث مباشر

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه