اخبار

السبت، ١٤ يونيو ٢٠٠٨

أيها السارقون تعالوا..هناك بوست جديد

ياصباح أو مساء العسل والفل والورد والياسمين عليكم جميعا
مش عايز أخنقكم معايا بقصص السرقات اللى بتحصل واللى تجاوزت النت والمنتديات وبقت فى الجرايد والقنوات التليفزيونية ..بس يللا مش مشكلة..أهم حاجة ان العيال تنبسط ياام السعد
فيه ناس كتير مشكورين وربنا يكرمهم بيطلبوا فيديوهات للقاءات شعرية ليا..وناس طلبت لقائى الأخير فى الأوتى فى عشان مش كل الناس شافته
أنا قلت انزل شوية فيديوهات كده..عشان الناس متزعلش من انى مش باكتب حاجة.. مع انى زعلان بصراحة ان الجماعة اللى بيسرقوا البوستات مش هيلقوا حاجة النهاردة تتسرق..معلش ياجماعة تتعوض إن شاء الله .. أنا لو منكم تاخدوا كل فيديو وتقطعوا راسى من فوق.. من عند ياقة القميص كده وكل واحد منكم يحط صورته بقى..يعنى هيه جت على دى ووقفت؟
اللى معروض لقائى فى برنامج مساءك سكر زيادة على جزئين.. وموجود بعض قصايد من أمسية العبد لله الأخيرة فى مركز سعد زغلول الثقافى






قصيدة باخاف م الحكومة


قصيدة وحشتينى


قصيدة قمة

هناك ٤٧ تعليقًا:

مـحـمـد مـفـيـد يقول...

ومين قالك انهم مش هيسرقوا
هيسرقوا الفيديوهات ويقولوا انهم هما دول بس الصوره مش واضحه
:)))

غير معرف يقول...

أهم حاجة ان الناس تتبسط زى ما انت قلت يا اشرف..وبعدين اديك طلعت فى التلفاز..بلاش طمع بقى :-)

ElBa7r يقول...
أزال المؤلف هذا التعليق.
Marwa Friday يقول...

صباح الفل
ياللا خلينا نعد الجمايل
واحد اتنين تلاتة أربعة.... !ا

ربنا معاك

Unknown يقول...

خطوة مهمة جدا اللي انت عملتها بس متاخرة شوية
كمان لازم كل واحد يقرا حاجة من حاجاتك في اي مكان لازم يقول او علي الاقل يرد الحق لصاحبة

بس انت عارف ولا يهمك اللي بيحصل دة علشان انت احسن واقوي ومميز من اول كلمة
ربنا يوفقك دايما وتسعدنا بكلامك اللي زي العسل دة

Unknown يقول...

يا عم اشرف الموضوع كده كبر على الاخر وهو ده اللى ناقص وعلى رأى محمد مفيد هيقولوا الصورة مش واضحة العيب على المصور
تحياتى وربنا يوفقك

خمسة فضفضة يقول...

السلام عليكم ورحمة الله وبركاته

يااشرف يا بني اللي سرق سرق من زماااان
ومش هاتيجي بقي علي الفديوهات

الجزء التاني علي فكره مش موجود ياريت ترفعه كمان مره


سلام

كيكى عوووووو يقول...

عوووووووووووووووووو انا جيت....انا هاخد البوست دة واجرى حد خد بالوا ههههههههههه....حلوة اووى الفيديوهات دى تحياتى

شهرزاد يقول...

السلام عليكم ورحمة الله وبركاته
أ/أشرف
يشرفنا انك تشارك معنا ببعض موضوعاتك في المدونات المرشحة لكتاب مدونات مصرية للحيب
لمزيد من التفاصيل برجاء زيارة المواقع التالية
http://www.facebook.com/group.php?gid=13820826455
أو
http://sneen.blogspot.com/
ولمراسلة الجروب وارسال افضل اعمالك ارسلها لي على الايميل التالي
dwen_fun@yahoo.com
ولك جزيل الشكر

أميرة يقول...

انافرحت لما لاقيت البوست بتاريخ النهاردة قلت اخيرا هبقى اول رد لاقيت فى 9 سبقونى ، ماعلينا

بمناسبة السرقة بقى مالكش حق انا عايزة حقوقى التسجيلية لو سمحت عيب اوى كدة لا في سيرة للجروب ولا لاول حد سجل الفيديو وعرضه على النت ولا تلميحة ولا اشارة :( يخونك دة انا سجلته مرتين ويوسف يشهد :P

Unknown يقول...

طالما صباح الياسمين يبقى تفحة تفحة تفحة تفحة .. وياريت متسألنيش يعنى ايه تفحة دى عشان مش عارفة بالظبط

المهم انه تفحة وخلاص

طول عمرك مشرفنا ورافع راسنا يا استاذى

أو تي في وحركات وبتاع .. شوية شوية تطلع فى قناة السد العالى للمسلسلات

:D

بس ابقى صفر كدة ولا شاور ولا اعمل اى حاجة كدة عشان تاخد كوكو معاك .. الواد موهوب بجد يا اشرف .. نفسه يظهر ويوصل .. بالك انت لو طلع مرة واحدة كدة ع الشاشة؟ .. الدنيا حتتقلب وكل الموازين حتتنيل خاااااااالص

جرب ومش حتخسر .. كفاية حيكون ليك شرف إكتشاف الموهبة الفاذة الكاميكازية دى .. كاميكااااااااز بين الناااااااااس


قليل إما عملولك تمثال فى ميدان التحرير عشان الإنجاز التاريخى ده

وابقوا افتكروا الجمايل دى بقا

:D

R-H-S يقول...

اخيرا رجعت يا عم اشرف
عودا احمد ومحمد وعلي وووووو
احسن حاجه انك نزلت الفيديوهات دي
لاني كان نفسي اسمع كل قصايدك
تحياتى وهي دي ضريبه الشهره

المـــفـــــــقــــــــوعـــــة مــرارتـهــا يقول...

احنا عاوزين مرتب نظير ملاحقة بوستاتك اللي عمالة تتبعتلنا في الإيميل
انا واحدة من الناس لما بأشوف بوست من بوستاتك منشور في مدونة بأحذر صاحبها من ان البوست ده منقول من مدونة اخف دم ... والبوست بيكون وصل عن طريق الإيميل وقد سقط اسمك سهواً
ماتخافش ياأشرف وراك رجالة

الإتربي اللولبي يقول...

مساؤك سكر زياده يا عم أشرف

و مساء الحراميه ( ... .. ... ) حاول تعرف بنفسك اللي بين القوسين

المهم يا رب تكون بخير

و على فكره إشاعه زعلك مني لسه بتلف على كل الألسنه و كل ما اقابل حد يقول لي إنت مزعل أشرف ليه .. أحاول اقنعهم إن أشرف أخويا و حبيبي و حتى لو انا اتغاشمت في هزار بايخ كالمعتاد فأشرف توفيق أكبر من كده و برضه مافيش فايده .. العالم برضه بتتكلم .. ده أنا بقيت خايف عم محسن بتاع الفول اللي انت كتبت عنه يكون عرف .. و ساعتها البليله هاتشح في السوق

عموما أتمنى دوام زيارتك و يا ريت تعليقك عشان أعرف إنك زرتني بس و الله مش أكتر

سلام عليكم

رشا عبد الرازق يقول...

أنا سمعت كل اللي على اليو تيوب ليك تقريبا .... أقولك شعر هي الأجمل.... لكن بحقيقه وبجد إنت بتشبع عشقي للشعر بالتجدد الرهيب اللي في كلماتك ... وانت لسه مجاوبتيش على سؤالي بخصوص ديوانك
الله ينور عليك فعلا ..... وبالمناسبه ... السرقه مستفزه ورخمه ....بس انت بالذات مش لازم تاخد في بالك :) تحياتي ....

غير معرف يقول...

أشرف توفيق اشروف توفيق اشرف توفيق
افتكر ان اكتر حاجة فاتتني في حفلة توقيع متاب المدونين اني كان نفسي اشوفك وانت بتلقي اشعارك
حقيقي جامدة وتستحق الـ........ الحاجات الكتير واخد بالك انت
وبعدين انت بتكتب كل شهر ولا ايه؟
ححححححححح
طويب امرنا لله
ادينا كمان ادينا

محمد سلامة يقول...

ايه يا عم الحلاوة دي ؟
بس انا أول مرة اعرف إن ليك ديوان مطبوع
طب قولنا نلاقيه فين عشان نعرف نجيبه
تحياتي

حاجات جوايا يقول...

السلام عليكم ورحمة الله وبركاته

مدونتك جميلة جدا اخى الفاضل
وفعلا أخف دم
من بعد ما سمعتك بتلقى الشعر فى حفلة توقيع مدونات مصرية للجيب وانا ناوية ادخل مدونتك
بس كل شئ بأوان
ألف مبرووووووك على البرنامج
وربنا يحميك من العين ومن الشحاتين والنصابين والنشالين


دمت بخير اخى الفاضل

سالى

سارة درويش يقول...

ههههههههههههههههه تصدق فكرة والله موضوع قطع الراس دى ههههههههههههه

بجد شكرا جدا جدا على الفيديوهات الجميلة دى .. بحب جدا اسمع الشعر اكتر كمان من انى اقراه .. تسلم ايدك يا اخف روح فى الدنيا مش دم بس

غير معرف يقول...

مساء الخير يا أشرف
بجد الفيدوهات تجنن وكل ال posts القديمة فعلا تحفة
ربنا يوفقك
وبعدين هو لسه فى حد فى مصر مايعرفش شغلك ياراجل حرام عليك
وبعدين لو ماكنتش ماشاء الله ناجح جدا ماكنوش قلبوك يا وحششش(monster)
سيبهم يسرقوا (الصيت ولا الغنى)
وياللا مستنين الجديد.

غير معرف يقول...

بسم الله ماشاء الله عليك .. شعرك حلو اوى .. بجد فى الصميم .. كمان القائك و صوتك جميل جدا .. يا ريت تحط كل الشعر بالصوت و الصورة على اليوتيوب ..

و تانى ماشاء الله عليك .. الى بيكتبوا شعر كتير بس انت ان شاء الله هتبقى من اعلام مصر يا اشرف

Soooo يقول...

انا عن نفسي باعلن استعدادي وباعرض مساعدتي لكل من يريد سرقة الكليبات

وسوف اقوم بقطع رأس اشرف - واقامة الحد - من عند الياقه باستخدام احسن وسائل التكنولوجيا والفوتوشوبش والثري دي ماكس بل والفور دي ماكس كمان .. وتركيب اي راس
والراس الواحده بخماشر جنيه


احنا نحب نخدم يا اشرف
اي خرعه



سلاموووووووووووز

محمد فكري يقول...

الجميل دائِماً أشرف باشا..
والله منور الشاشة والدنيا كلها كعادتك..
ربنا يحميك ويوفقك يارب..
يللا شد حيلك مستنيين بوست جديد :)
وبابلغك سلام كل حبايبك في المنصورة..
سلام يا أخف دمّ :)

bota يقول...

ربنا يكرمك يا اشرف ويبعد عنك عيون الحراميه
انا لاحظت والله ان اخر بوست بيتبعت دلوقتي على الميلات
وبرضه من غير ما يتقال مكانه الاصلي
وربنا يكرم النت علشان اعرف اتفرج على الفيديو

غير معرف يقول...

شوف بقى يأبو أخف دم
لو انت مجمع مؤلفاتك دى فى كتاب إبقى قول اسمه عشان عاوز أشتريه وياريت يكون رخيص أصل الحاله ضنك
ولو مافيش كتاب ياريت تعمل كتاب وبرضه تقول على اسمه

ولو ماعملتش كده أنا هجمع القصايد اللى موجودين على المدونه وأعمل كتاب باسمى وهاديك اسمه وهايكون رخيص عشان ابقى أجدع منك
اتفقنا يا أخ؟

ست البيت يقول...

ارغي وارغي وارغي كمان يا عم أشرف
لقاء المدونين الكبير بالاسكندرية
الزمان
يوم 27/6/2008 الجمعةالساعة 2 ظهرا
المكان رقم 345 ميامى 6 ش جمال عبدالناصر - عمارات التعمير - برج الأميرة - أعلى شركة الشرق للتأمين
أمام أسواق الشريف ----العصافرة / الإسكندرية
تحيات احمد الصباغ لأن الدعوة وصلتني منه
ياريت تشرفنا
لو حتحضر وعاو تلفوني ابعتلي ع الميل

غير معرف يقول...

حلوة أوى حكاية
أعلق حزام بنطلونى ف قفايا

mostafa rayan يقول...

بص بقي ياعم انت انا مش عارف لحد دلوقتي انت عملت فيا ايه انا من ساعة ماقرأت قصيدة كفاية جراح في الكتاب وانا مش عارف ايه اللي حصل فيا كل ما خلص اعيد قرأة وافتح موضوع جديد ألاقيني برجع تاني اقرأها انت بتجيب الكلام الحلو دة منين
ربنا يحفظك وبجد ماشاء الله عليك
وصدقني بجد لوانت كنت ماكتبتش في حياتك غير كفاية جراح يبقي حلو قوي قوي قوي قوي
حبي واحترامي وتحياتي ليك

شيمـــــاء يقول...

يا سيدى يا سيدى
الف مبروك
عقبال كده ما تطلع فى القناة التامنة
:)

انت تستاهل كل خير يا اشرف
:)
بس بقى عشان اسمع

محمد عبدالحي بتاع بيطري يقول...

لا لا لا
إحنا مش قد الكلام ده يا عم أشرف

عموما أنا عمري ما قلقت من السرقات دي خالص

الناس اللي قلمهم محترم بيبقى صعب أن حد يسرق منهم حاجة لأنه بيتفقس على طول
إلا طبعا إذا كان حرامي حمار

بالتوفيق يا صديقي

NilE_QueeN يقول...

معرفتش مدونتك الا من مده بسيطه

وكل ما اقرء فيها بيزيد اعجابي بيها

كلام وخلاص يقول...
أزال المؤلف هذا التعليق.
كلام وخلاص يقول...

قصيدة قمة قمة بجد نسجت حالنا على لسان الحيوان ببراعة وصلت لنا العبرة اصدق زى كليلة ودمنة ومزرعة الحيوان اللغة عربى فصيح لجيل بينه وبين الفصحى تار بايت بس وصلت لنا بسلاسة والى ساعد اننا سمعناها القاء منك
ربنا يوفقك

AHMED SAMIR يقول...

انا شفت اللقاء لااايف
ربنا يوفقك بجد
تحياااتي

AHMED SAMIR يقول...

انا شفت اللقاء لااايف
ربنا يوفقك بجد
تحياااتي

غير معرف يقول...

الحقوا ياعالم فاتورة التليفون هاتغلى
اكتب حاجه يا أشرف

شيركو شاهين يقول...

صباح الفل على صاحب اخف دم في الدنيا بحلها
يا رجال دانتة مخليتش وراهم خاجة يعملوها
الف شكر على الكليبات
وبالمناسبة انا اصلا تعرفت على المدونة بتعدتم نم خلال برنامج الي انعرض على الاو تي في وفعلا بعد مطالعتي للمدونة انعجب اكثر بافكرك وسلاسلة الطرح والمناقشة فيها
تقبل اعتزازي ويا راجل خليها بجميلة وزرنا في المدونة البسيطة بتعدتي ولا انت ايه مش عايز تشرفنا هناك ..؟؟
شيرووووووووووووووووووو

admelmasry يقول...

بجد بجد فرحان لك يا اشرف
.
.
ربنا يكرمك يارب
لانك فعلا انسان .. وانسان جميل بجد
.
.
من نجاح لنجاح ان شاء الله
.
.
تحياتي والسلام
ادم المصري

غير معرف يقول...

انا جايه اسرق احم

في الواقع انا كان بيتبعتلي بوستات حضرتك المرحه

في ايميلات واقعد اضحك واقول مين الرايق الي كتب الكلام ده

ثم

اكشتفت بالصدفة البحته انها بتاعت حضرتك

وانك بتكتب اشعار جميلة

وقريت شعر حضرتك في مدونات

ان شاء الله هاكون متابعه للمدونة

دمت بكل خير

أخف دم يقول...

السلام عليكم ورحمة الله وبركاته
ياصباح الفل والورد أو مساء الفل والورد
وحشتونى جدا بجد.. ومعلش على التاخير بس بجد كانت ظروف صعبة جدا ومشاكل مع كتير من الجرايد المصرية الفترة اللى فاتت ..وكمان شوية مشاغل .ز عموما انا موجود ويارب الناس اللى عندى على الغيميل ميزعلوش من انشغالى.. والكل عارف نعزتكم عندى قد إيه
محمد مفيد منورنى بجد يامحمد وسعيد انك موجود لأول مرة وانا متابعك من زمان بس سامحنى على التعليقات بقى
شهرزاد.. معلش ياشهرزاد انا سعيد بدعوتك ووجودك بس أحمد واحمد عارفين انى باجهز للكتاب ونازل قريبا ان شاء الله.. دعواتك بس وان شاء الله انا موجود معاكم بأى نصيحة واى مساعدة
أميرة ويلز والله آسف يا رشا هانم .. نسيت اقول ان رشا ياجماعة بجد تعبت جدا عشان تصور التسجيل بتاع أوتى فى وصورته مرتين . بجد مش عارف اقول لك ايه بس عموما ده واجب عليم يارشا..وكويس انى رضيت انك تصورينى.. ههههههه
ياسمين إنسانة ..هاتى ياستى كاميكاز بتاعك ونحن نقبل التبرعات ومتقلقيش.. رزقه ورزقى على ربنا
الإتربى باشا.. ياحامد متقولش الكلام ده عيب احنا أخوات .. وانا مزعلش منك انت عارف.. صباح الفل.. بس متعملش كده تانى .. اللى هوه ايه؟؟ مش عارف طبعا هههههههههههه
رشا عبد الرازق الشاعرة الرقيقة الجميلة
يارشا انا سعيد بكلامك وىسف انى مارديتش على تعليقك البوزست اللى فات .. قلت آخد راحتى هنا عشان تتابعى الرد..
طبعا انتى منورانى وبعدين ان ابقى شفتك فى لقاء شعرى كنت مدعو فيه .. ومن زمان وانا متابعك ومتابع أشعارك وبلوجك.. وعارف انك بنت عادية جدا.. وديوانك كان معايا قبل كده.. وانا سعيد طبعا ان شاعرة جميلة زيك تمدح فى شعرى.. ومش هابقى باجامل لو قلت ان شعرك فيه نفس الإحساس اللى عجبك.. ربنا يديم المعروف دايما بينا يارب
بالنسبة للديوان فهو معدش منه فى السوق بس عندى مجموعة .. لو هتشرفى القاهرة فى اى وقت أجيبهولك لحد عندك.. انت تؤمرى ومنورانى تانى وتالت ورابع
محمود محمود منورنى والله ودمك زى العسل ياعم انت تؤمر.. ديوانى موجود عندى .. يعنى تشرفنى لو قابلتك واديتهولك إهداء يعنى.ز وبعدين البوستات تحت أمرك والكتاب انا باكتبهولك دلوقتى ناقص بس تحط اسمك عليه
ست البيت
للاسف مقدرتش آجى ولا أرد.. بس تابعت تغطياتك لليوم.. ربنا يوفقكم وقريبا هابقى عندكم ان شاء لله
صاحب التليفون والله سعيد جدا انك بتقول لى اكتب عن موضوع التليفونات.. حسيت انى فعلا باحاول اكتب اللى الناس عايزاه وبتمر بيه وده بيوصل لكم.. ربنا يكرمك ويارب البوست الجديد يعجبك
إلى كل احبائى واصدقائى
ربنا يكرمك على كلامكم الجميل اللى مش باقدر ارد عليه .. بجد سعيد جدا بالضحكة اللى على وشوشكم وعلى فرحتكم بشعرى.. ربنا يديم المعروف وشكرا للى شرفنى وهيشرفنى
ودعواتكم عشان الكتاب
أشرف توفيق

كلبوشستان يقول...

يا سيدي يا مصيتنا يا رافع راسنا

ومن شر حاسد اذا حسد

ربنا يوفقك ولو سمعت اذا مش فيها مضايقه ممكن تمضي لي على ياقه القميص من فوق كدا وانت طالع

ربنا يوفقك يا أخف دم عن جد

غير معرف يقول...

مش انتا كان عندك شنب هو راح فين ؟؟؟؟

غير معرف يقول...

قولى أقابلك ازاى أو ألاقى كتابك فين يعنى ماتعشمنيش عالفاضى
وبعدين أنا مش عاوز أكتب الايميل بتاعى لحاجة فى نفس يعقوب ممكن انت تكتب ايميلك؟
عشان حتى أقول امين زى باقية الناس

هبة النيــل يقول...

بجد بجد أسلوبك ساخر لكن غاية في الروعة دا في المدونة يعني

وأما عن الشعر في اللقاء

فهو غاية في الروعة

بجد هدور على كتابك ان شاء الله

وسؤال يا ريت بس الديوان اسمه ايه؟؟؟؟

غير معرف يقول...

على فكرة بالتوفيق لحضرتك :)

أنا أخدت بالي إن حضرتك من بلدنامن المنصورة


علشان كدة..جاللي فضول أشوف شوية من الفيديو..وأشوف مين..بيتكلم عن إيه :)


بالتوفيق لحضرتك ان شاء الله :)

غير معرف يقول...

ههههههههههه

jersey shore episodes يقول...

Good read thanks