اخبار

الثلاثاء، ٦ مايو ٢٠٠٨

امتحان عربى



السؤال الأول: التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز


بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ـــــــــــــــــــــــــــــــــــــــــــــــــــــــــ
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟


ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية عشان العصاية شغالة بس مش فى الضرب.. افهم انت بقى اختر

حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــــــــــــ
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة


فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزومطبيعى معزوموربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازونيونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ـــــــــــــــــــــــــــــــــــــــــــــــــــــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

فى نصى ويجا وخيانة مشروعة وضح خالد يوسف هستيريا الجنس فى الطبقات الغنية.. وفى نص حين ميسرة وضح خالد يوسف هستيريا الجنس فى الطبقات الفقيرة..عشان خطرى.. اذكر مع كامل البيانات أماكن هذه الهستيريا فى المعادى

سبب وجود الشرطة كل خمس دقائق فى النص
موسم ترقيات عقبال أملتك ولازم شغلأخو خالد يوسف ظابط ولازم يخدم أخوهعشان الشرطة بتراقب قسم البوليس اللى جنب أحداث النص اختر
ـــــــــــــــــــــــــــــــــــــــــــــــــــــــــــ
السؤال الخامس النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط
كوز المحبة انخرم..طرطش على كمى..ياحبيبى بطل جفا وارحم عذاب امى
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء


هناك ١١٣ تعليقًا:

خمسة فضفضة يقول...

السلام عليكم ورحمة الله وبركاته

هههههههههههههههه

اشرف انت والله مش ممكن ابدا خالص ،
خالص مالص واكيد بالص

مش قادره ابطل ضحك

ههههههههههههه

يــوم جــديد يقول...

طبعا كالعادة مش محتاجة أقول دمها خفيف قد ايه لكن محتاجة أقول:
ااااااااااااااااه يا بلد
بجد حالك عجب
شكرا لك أ.أشرف
أضحكتنا على أحزاننا

غير معرف يقول...

يخرب عقلك شرباااات .. جامد جدا الامتحان ده .. دماغك حلوه اوى

Lobna Ahmed Nour يقول...

هههههههههههههههههههههه

بجد امتحان مالهوش حل .. رااااائع

ههههههههههه

Mafrousa يقول...

هههههههههههههه
ههههههههههههه
ههههههههههههههه
ههههههههههههه
هههههههههههههه
هههههههههههههههه
هههههههههههه
ههههههههههههه
ههههههههههههه
ههههههههههههه
هههههههههههههههه
حموت من اضحك والمكان المخصص للتعليق خلص ههههههههههههههههههههههههههههههه

خالد كامل يقول...

دمك خفيف فعلاً ... و على فكرة انا بحب اقرا المدونة بتاعتك ... و حاطط الرابط بتاعك عندى فى بلوجى ...
www.ra2asny.blogspot.com
و رقصنى يا جدع

غير معرف يقول...

سؤال هو الرئيس ده جنسيته ايه

غير معرف يقول...

ياه هو كله اجبارى مفيش اختيارى
طب وبعدين مش هضمن مجموعة يدخلنى اكاديمية النصب الحديثة
مش مشكلة انا ممكن ابعت لممدوح اسماعيل واخليه يغششنى واهو اخد الجرشينات وكت قبل ما البلد تولع فى الاسعار يعنى لو كان كمل كان هيلاقى يجيب سولار وبنزين للبواخر بتاعته

Unknown يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

حفطس من كتر الضحك يا استاذنا

بركااااتك


ألا يعنى ايه عز اساسا؟؟؟؟؟

المـــفـــــــقــــــــوعـــــة مــرارتـهــا يقول...

أمتحان جميل بس صعب هل يمك تخليه أوبن بوك

ياسمين حميد يقول...

هههههههههههههه

كوز المحبة اتخرم
اديله بنطة لحام
أوعى يا أخويا لا تدخل
حافي عالحمّام

امتحان صعب فعلاً، الله يكون في عونكم!

د/اجدع بنوته يقول...

اشرررف

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


مع انى ف حالة كئابه لا تعدوها كئابه

بس برده قدرت تنتزع تلات ضحكات متتاليه منى

ربنا يجازيك خير

ma 3lina يقول...

:))
السلام عليكم ورحمة الله وبركاته
بزور مدونتك كتير ومواضيعك بتعجبني جدا .. ويمكن اكون كسلان شوية في التعليقات .. لكن المرة دي بقا قلت لازم أحييك على كتاباتك

تحياتي ودمت أخف دم

rona يقول...

لااااااااااا ده جامد جدا
بس اكيد اللى حط الامتحان هيتحول للتحقيق لانه خارج عن المنهج
بس متقلقش الطلبه كلهم معاك

a7md Helal ( المهم ) يقول...

ههههههههههه

وربنا جامد

Unknown يقول...

ههههه
هاد كيف بينحل ؟
طيب مسموح الاستعانه بصديق؟؟

الله يخرب عقلك يا أشرف عن جد نهفه :)

اهو ده عيبه يقول...

مش ممكن مش ممكن بجد
انت بتجيب الكلام ده منين

بدون مبالغه الموضوع هايل واسلوبك اسمحلى محصلش فى السخرية

بس اللى طالباه منك بقى تحللنا انت الامتحان، مهو اللى يحضر العفريت يصرفه
تحياتى ليك

WhItE HeArT يقول...

ههههههههههههه

ايه الامتحان السهل ده

ههههههه

بجد تحفه

تحياتي

محمد فكري يقول...

ههههههههههههههههههههههههه
ههههههههههههههههههههههههه
صحيح..همّ يبكّي..وهمّ..يضحّك..
مبدع كعادتك يا أشرف باشا :)
بصراحة..بتلعب في إطار الكوميديا الساخرة ببراعة..
ربنا يوفقك :)

Layla يقول...

ههههههههه

اهي دي الامتحانات ولا بلاش

ساعه الغروب يقول...

ما شاء الله عليك فعلا

ارحمنا بجد انت بجد هتموتنا مره فى بوست بجد


الفكره الغريبه جدا انك فى "عز "المنا من الاحداث الا انك بجد بتموتنا من الضحك


ادام الله عليك احساسك وقلمك
وربنا يستر عليك وعلينا بقى

ربنا معاك ويوفقك لكل ما فيه الخير ليك

zordeak يقول...

طب اقولك ايه بس

والله مكنت عايز ادخل وانا مكتئب كده علشان مضحكش

قلت الضحك عيب فى الزمن ده

بس شوية ومقدرتش امسك نفسى ودخلت

ولقيت نفسى واقع جنب الكومب من كتر الضحك

حرااام علييك ارحمناااااااا

بتجيب افكارك دى منين

جوابك لابوك خلا صوتى يوصل للجيران وزمانهم بيتصلو بمستشفى المجانين
يا لطيف الالطااااف نجنا مما نخاااااف

:D

غير معرف يقول...

بص يا عم اشرف عندي نقطتين
1-مينفعش انك تلغي كل قايمه كليك يمين لاني امبارح جيت اعمل (open in new windows) ولقيته بيقولي عيب يا راجل لا عيب عليك مش عليه يا ريت تلغي الcopy و ال paste بس.
2-الاقي فين ديوانك كله انا دورت عليه كتير ولقتهوش (ويا سلام بقي لما تلاقيني متشحتف عليه كده تبعتلي نسخه منه مع اهداء)
3-ليا واحد صاحبي بيكتب شعر وانا حاسس انه جامد وعايز اعرفه عليك
4- ده ايميلي ويا ريت تعبرني o_2007@yahoo.com

Omar... [ خروشات ] يقول...

مقدرشى ااقول غير ربنا يزيدك

خفة دم + محبة الناس

دى نعمة كبيرة

Noha El-arabi يقول...

انت فنان و ربنا جامد جدا

mano يقول...

ههههههههههههههه مميز كالعاده بجد انت بتجيب التايهه ربنا يباركلنا فى عبقريتك الرائعه دى يا اشرف وعموما احنا مدرسين يعنى انت جاى على الامتحانات بالظبط

هبة المنصورة يقول...

فكرتنى بامتحان ثانويه عامه اللى ف فيلم "خلى الدماغ صاحى".. ماعليك إلا إنك تختار الموته المفضلة.. أهو تريح وتستريح.. ده حتى مطمئن ابن ملك الجان كان بيعيط لحالنا
مش عارفه أعيط ولا أضحك.. بس تقدر تسمى اللى على وشى دلوقتى ابتسامة واحده نفسها تعيط أوى

ToTo يقول...

جميل البوست ده

وانا اللي كنت فاكر اني أخف دم؟؟

Unknown يقول...

اوكى..بس قول لنا اكلتك المفضلة عشان لما تشرف فى المعتقل نكرمك ماشى؟ يللا زور مدونتى بسرعة وقول رايك

بديهيات يقول...

السلام عليكم ورحمة الله وبركاته صديقي الجميل أشرف،
متألق كعادتك، وأسلوبك يزداد أصالة.

جزاك الله خيرًا على كل الضحك الذي ضحكناه، وإن كان مريرًا، وعلى قيام كلمتك بدورها.

زادك الله وفتح لك.

تحياتي،
نزار شهاب الدين

ريحانة يقول...

ما شاء اللله عليك بجد
البوست تحفة اخر حاجة

تسلم موهبتك :)

يــوم جــديد يقول...

بس هو ده امتحان نقل ولا شهادة ؟

الإتربي اللولبي يقول...

تصدق يا أشرف

أنا معاك في كل اللي بين السطور

لحد ما وصلت لعادل إمام

أنا شايف من وجهة نظري اللي مش متواضعه طبعا إن عادل إمام هايفضل عالي برغم كل ما ذكرته ( 12 مليون - البوس - الترشيح للمنصب - كل ما سبق ) إختار .

الراجل ده حد ناجح جدا .. و كفايه إنه لسه نجم شباك حتى ف السن ده .

و بغض النظر عن البوس و ما البوس عشان ماشوفش حد يتحجج بيها تاني شوف فيلم النمر و الأنثى و ما شابه و انت تعرفه كممثل .

بالنسبه لترشيحه للمنصب ده أظن انه أحسن من اللي ماسكه شخصيا و اللي عنده اعتراض يروح يقول له الاعتراض ده ف وشه .. بس الراجل و احترامه لفنه خلوه ما يقبلش المنصب ...

أنا ممكن اعترض على عادل إمام و أيدك ف اعتراضك عليه ف مسألة إنه مع التوريث .. أنا ضده و ضد موقفه ده .

دي وجهة نظري كلها باختصار .

أرجو زيارتك أبوس إيد معاليك

سلام عليكم

حصان بري يقول...

اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

المره دي الموضوع يهلك من الضحك ياباشا
من الاول للاخر
مووووز موووز مووز يعني

علي فكره مواضيعك لفت الفيس بووك من الشرق للغرب
واللهي يابني احلا اعلانات غير مدفوعه الاجر
والحرامي بيتكشف في الاخر
تحياتي يا معلم

!!! عارفة ... مش عارف ليه يقول...

تحيه لإبداعك في هذا البوست
ولكن اسمح لي هناك ملاحظة حول استخدام بعض المفردات الغير لائقة واذا تجاوزت عنها لا تؤثر على الموضوع أو تضعفه

تحياتي

aya يقول...

حرام عليك الي بتعمله فينا ده من كتر الضحك خلاص هههههههههههههههههههههههههههههه
ده امتحان فظيع بس لو الواحد كان امتحن عليه مكنش هيدخل طب كان هيدخل ابو زعبل عدل
منتظره زيارتك
(سياده الرئيس اريد ان اهرش.......
www.confusedgirl-tota.blogspot.com

ROMIL يقول...
أزال المؤلف هذا التعليق.
ROMIL يقول...

مش عارف أضحك ولا اعيط

أقولك أنا حضحك من القلب وتسقط الدنيا وما عليها

فين يا عم الحج أسئلة أكمل ووصل الله يحرقهم باللى عملوه بالشعب
وفين يا عم أنت أسئلة صح وصح وياريت تسألها لروساء تحرير الصحف الكومية



تحياتي

ROMIL

نهى جمال يقول...

كوز المحبة انخرم..طرطش على كمى..ياحبيبى بطل جفا وارحم عذاب امى

هههههههههههه

وربنا معزوم

وبعدين الامتحان ده ناقصله حتة ازاي تستفسر عن اكل اللحمة والكلاب وساندوتشه من الحواوشي من بق اخويا اللي جاله تسمم من يومين علشان كل اكل نضيف من بيتنا بقى بجنيه ونص

والفول بقى بجنيه وربع

هههههههههههه

البلد باظت باظت ... احم اقصد من كتر الفل تانك بسقوط الواو بعد الفاء

وابقى سلملي على المراقب
تحياتي على بسمة دايما بتجيلي هنا
شكرا

خواطر رئيس شاب يقول...

النجاع من كام يا استاذنا


خمس بوسات من بتوع عادل امام

ولا النجاح وبجدارة فى الفشل فى تثنية الجملة التى تحتوى على كلمة الرئيس


امتحانك صعب اوى

rona يقول...

ماشاء الله عليك يا اشرف النهرده فى البرنامج كنت هايل
ردود واقعيه ومنطقيه وكان حوار جميل
تقبل تحياتى

Rain_Drops يقول...

أنا كمان لسه كنت بتفرج على البرنامج و قلت لازم أدور على المدونة العبقرية دي ، و سعيد أكتر لإنك بلدياتي ،الحمد لله إن المنصوراوية بدأو يشدو حيلهم في التدوين احنا ممكن ندبر لحركة انقلاب بعد كدا
;)

غير معرف يقول...

السلام عليكم ورحمة الله وبركاته ازيك يا اشرف انا طبعا مكنتش اعرف يعنى ايه مدونات على الانترنت بس لما شفت البرنامج عرفت وبجد انت كلامك عن العبارة98 و البطولة الأفريقية 2006 حلو ورائع جدا وهو ده اللى خلانى ادور على المدونه بتاعتك (احنا بلدنا حلوه قوى )

غير معرف يقول...

طب اعمل فيك ايه؟ ها؟ وبعدين معاك؟ لا بجد يعني؟ هو كله ضحك ضحك مفيش رحمة يا عااااالم؟!
أشرف بيه... رهييييييييـب

محروق منها يقول...

شكرا يا باشا على خفة دمك

سارة درويش يقول...

ماكنتش مصدقة ان شر البلية ما يضحك بس بجد مافيش فى ايدى غير انى اضحك

بجد طريقة عبقرية جدا فى نقد الواقع تسلم ايدك بتفكرنى بايام زماااااااااان

غير معرف يقول...

هااااااااى يا أشرف أنا مريم لو تفتكرنى, على العموم الامتحان كان جامد آخر حاجة, وفعلا شر البلية ما يضحك ومش هاقدر أقول غيرwelldone

khobayb يقول...

راااااااااااااااااائع

مش عارف أقولك ايه غير كده ..

راااااااااااااااااائع

غير معرف يقول...

السلام عليكم
افتح لو سمحت اللينك دهhttp://www.tozzzzzz.blogspot.com/

غير معرف يقول...

هههههههههههههههههههههههههههههههههه
كنت لسه في امتحان شفوي بيفكرنى اوي بالامتحان دا فعلا
نظام جوده بقي

غير معرف يقول...

ايوه كل الناس بتقول ههههههههههههههههههههه وانا كمان
بس انت ولا قدمت حاجه و لا اخرت
عموما انا مش بحب ان يكون شغلى و مهنتى و احترافى هو الكلام و خلاص
انا شايف ان دى من الحاجات اللى رجعتنا ورا

aya يقول...

ههههههههههههههههههههههههههههههه

يا الله
بجد انا هاموت من الضحك
تسلم العبقرية يا اشرف والله
بجد تسلم دماغك

ربنا يكرمك يا رب على الضحكة اللى خلتنى نضحكها وسك الكآبة اللى احنا فيها ديه

ربنا يكرمك

غير معرف يقول...

يا أبنى أنتا لازم تكتب كتابات ساخرهز هو دا اللى هيوصللك أسرع وهيخليك تلعب بالفلوس. أنتا تقريبا أعظم موهبة ساخره على الساحه حاليا. صدقنى أنا بقرأ لكل خلق الله. أنا بنصحك فى الله حرام عليك تسب موهبتك الكبيره دى كدا أنتا لازم تنزل كل شهر كتاب وصدقنى مره تانيه هتكسر الدنيا. دا طبعا غير شق الكتابه للسينما أساسا.
أتوكل على الله يلا بلاش كسل
طارق

محمد حمدي يقول...

فى حياتى مضحكتش زى ضحكى على البوست ده

اصل كتير من احزاننا بتكون صعبه لدرجه تستدعى الضحك بهستيريا وليس البكاء .

ياريت تشوف مدونتى

تحياتى

حبيبـــــــة القمـــــر يقول...

يانهار ابيض على دا امتحان
مش ممكن وربنا فظيييييييييييع

التعبير فقر وعلى فكرة الحديد وصل 7200 ودا اخر ماسمعته عن سعره بالامس انه يقل عن كده بقى حلم صعب تحقيقه
والقصه مشكله وانا اسقط فيها احسن ماقرب منها اساسا

اما لقراءه فمصيبه سوده بس مادام عدوله موافق عالتوريث يبقى الناس هتوافق دا الزعيم( في المسخره)طبعا

اه عالنصوص بقى قد ايه بحب الغنوة دي الناس دي بتتكلم حلو وبتعرف تزرع جوانا الامل وحب البلد
بس للاسف مبتعرفش تكمل الحبكه وانتمائهم وحبهم للبلد بيبان بسرعه

النحو مش بحبه نوهاااااااااائي
والخط طبعا نكش فراخ

ياترى جبت كام في الانتحان التووووحفه دا

شروق الشواف يقول...

جميلة جدااااا

محمد عبدالحي بتاع بيطري يقول...

أنا أبويا ناظر
و منوفي
و هانجح يعني هانجح



أخوك محمد عبدالحي
الأنسان بكلية الطب البيطري جامعة القاهرة
من عصابة الأربعين مدون اللي هيدخلوا كل جيب
أتمنى تكون معرفة خير بإذن الله

محمد طلبة رضوان يقول...

جميلة زى عادتك
أشرف الجميل داااااااااااااااااااااااااااااائما

Michel Hanna يقول...

زي العسل بجد :)

غير معرف يقول...

ابسط يا عم الاخوان سرقوا موضوعك :)
http://www.gam3aonline.com/art_read_n.asp?id=5042

و انا جي اهدي النفوس علي فكره :D

هشام علاء يقول...

عسل

اخف دم عدى عليا لحد دلوقتى و ماعتقدش فى اخف من كده

تحياتى
هش

basma saghir يقول...

مصر بتتقدم بتتقدم بينا..هو انا اي نعم مش شايفة التقدم..بس اكيد بتتقدم طالما الحكومة بتقول كدة

اصل احنا مش هنفهم اكتر من الحكومة..ايش وصلنا ياعم..دي مستويات فكرية اخرى احنا منعرفش عنها حاجة

ملحوظة:
طول عمري بكره ام العربي وامتحاناته

غير معرف يقول...

انت يا بني تحفاااااااااااااا....مصر كلها بتقول اشرف

محمد العدوي يقول...

رغم أني مخنوق منك

كخموق دي اخت متغاظ وولا عم مفروس

لكن يعني زيارة لهذا المكان تجعلني ابتسم رغما عني ...


طمنا عليك .. ها عليك الجكبري

:(

غير معرف يقول...

انا كنت عايزة اقولك موضوع النقل ده انا كمان..
ده جالي في ايميلات كتير ،،، خد بااااالك
وبعدين مش الاخوان،، ده تصرف فردي بس الحق يتقال في الايميلات اللي وصلتني كتير منها مكتوب انه منقول بس مش قايلين منقول منين

ابو العربى يقول...

والله العظيم جامد وحيات ربنا جامد وحيات امى جامد ومش عايز احلف
بجد تحياتى
ابوالعربى

dandana يقول...

ممكن اقول
يخربيت كدا

دى هيا الامتحانات بجد

وكمان انا عرفت اجابة سؤال فى النصوص

بتاع اسم قيادى فى الحزب الوطنى

بس هاقرف اعمل المطلوب دا

neO Blogger يقول...

جميلة اوى المدونة رغم ان شكلك بيقول ان دمك تقيل انا شفتك على Otv
اكيد اللى بيكتب حد تانى واكيد انا بهزر
ارجو زيارة مدونتى
http://neoblogwithouttitle.blogspot.com/

ٍSOU يقول...

انت مشكلة بكل المقاييس و الله

Unknown يقول...

رجعالك تانى بعد الامتحانات
امضاء حضور الى حين

محمد سلامة يقول...

بصراحة الإمتحان صعب أوي معرفتش أجاوب على أي سؤال أصلي للأسف طول عمري خايب في العربي بالذات و كمان بتاع خمس ست مواد تانيين كده على العموم أنا بحمد ربنا إني ما جاوبتش و اديني قاعد في البيت و مفخَّد و مين عارف لو كنت جاوبت كان زماني فين دلوقت

شريف طلال يقول...

اشرف باشا
موضوع متميز كالعاده
و اشهدله انه افضل كمان مما سبق بشويه
حلو جداً .. خفه دم حقيقيه
كلام بين السطور .. و ده المهم

غير معرف يقول...

ماشاء الله طبعا فعلا اخف دم بس على فكرة فى واحد اسمه تقريبا كريم نزلها فى جريدة مش عارفة بصراحة اسمهاايه لكن جت فى برنامج الصفحة الاخيرة اللى بيتذاع على قناة المحور

معلش بجملة السرقة

Baha'i Family - اسرة بهائية يقول...

مش ممكن
تموت من الضحك
ماشاء الله عليك
صراحة كلها واقع اليم جدا بس افكارك نيرة

شكرا لك على ادخال الضحكة فى حياتنا
حلوة قوى حكاية الاعراب دي

wagdy El-Komy يقول...

اشرف صباح الخير
انا وجدى الكومى ، تقابلنا فى ندوة دار العين
ادعوك لتقرأ مجتزا من روايتى شديد البرودة ليلا على مدونتى
شكرا

ياسر خاطر يقول...

هههههههههه

انت جامد فحت يابرنس

وبتزعل لما الناس بتسرقك امال هايسرقو مين يعني

Diyaa' يقول...

جالي الأمتحان ده من شهر كده ومعرفتش أحله لأن الدكاترة مانعين أي حاجة بتضغط علي المرارة عني :(
عملت فيه إيه يا تري ؟:))
اتبسطت لما شفتك في دار النشر
ومبروك أوي لنزول تدوينة ليك في الكتاب
عقبال كتاب لوحدك
تحياتي

Diyaa' يقول...

جالي الأمتحان ده من شهر كده ومعرفتش أحله لأن الدكاترة مانعين أي حاجة بتضغط علي المرارة عني :(
عملت فيه إيه يا تري ؟:))
اتبسطت لما شفتك في دار النشر
ومبروك أوي لنزول تدوينة ليك في الكتاب
عقبال كتاب لوحدك
تحياتي

Soooo يقول...

ياعم اشرف
ياعم شوف اللي بيتسرق منك
http://tozzzzzz.blogspot.com/2008/05/blog-post_12.html
هفضل محاوط عليك لحد امتى
يالهوووي عليك


ملحوظه
طن الحديد بقى بتسع تلاف جنيه دلوقتي ياعمنا
اعمل تحديث في امتحانك ياريس



سلاموووووووووز

Soooo يقول...

اه قبل ما انسى

ربنا يسعدك ويكرمك ويوفقك ويبسطك دنيا وآخره على اللي بتعملو فينا




سلامووووووووووز

Soooo يقول...

اه نسيت

هو اللـ

تصدق نسيت

هاجي مره تانيه



سلامووووووووز

Soooo يقول...

اتصدق افتكرت
اه افتكرت

ياعم فيلم انديانا جونز ماطلعش بتاع بروس ويلز

طلع بتاع بليله خالص



سلامووووووووز

Ahmed EIssa يقول...

انت جامد يابني

غير معرف يقول...

دعوة
الي احبائي
واخوتي واخواتي المدونين
اتمني منكم
التفكير في تلبيه الدعوة المسجله بمدونتي

عارف اني عامل قائمة خاصة بس دول بس اللي اعرفهم

اتمني تتحول الحفله لملحمه تعريف راقيه ومكيفة

طبعا مهي هتبقي بالمركز الفرنسي انا اتاكدت من المعاد وهتاكد تاني

http://ramezabas.blogspot.com/
ودة لينك مدونتي المتواضعه


اتمني منكم الاهتمام بمشاركتي فرحتي


بالمعاقين سمعيا مثلي
وهم فرقه الصامتين

التي يديرها صديقي المخرج رضا

رحــــيـل يقول...

هههههههههههههه
بجد امتحان هايل ورائع فعلا
بس بما انك انت اللى عامله
يبقى لو فى حد حله الاكيد انك مش هتلحق تصححه
هههههههههههههههههههه
بجد انت اسلوبك رائع
تحياتى لك

انسانةعادية فى عالم مش عادى يقول...

ههههههههههههههه
بسم الله ماشاء الله حضرتك عندك قدرةرهيبة فى اضحاك اى شخص انا بعشق الاسلوب الساخر للاوضاع ده استمر حضرتك ربنا يعينك

dodda يقول...

ازيك يا ولد؟؟
اخبار الدنيا ايه معاك؟؟
الرز معجن..والا ناشف؟؟؟

ههههه
شد حيلك واوعى تنسى الجار اولى بالشفعه
واحنا جيران هنا وهناك

مبروك اول توقيع

اسعدتنى رؤيتك

حمامة يقول...

السلام عليكم
ههههههههههههههههههه
فظيع
فعلاً اخف دم
اول زيارة وان شاء الله لن تكون الأخيرة
لك تحياتى :)

بنت مصريه يقول...

ايه يا اشرف ده
دا انت مصيبه
ههههههههههههههههههههههه
يخرب بيت عقلك
اتمنى تنورنى

Mafrousa يقول...

أخف دم انت رحت فين
يااااادى المصيبه ليكون قلبك وقف من الضحك زينا
هههههههههههههه
ليك تاج عندى فى أرض الاحلام
مدونتى نمره 2

غير معرف يقول...

ساره
ــــ

بـــــحـــــبـــــــك




ا و ي

عًٍمًرٌٍوٍ آلنْوٍبٌَِى يقول...

يخراااااااااااابى اية ده

سؤال واحد من دول يخلينى اخد دكتوراه

لاء يا عم انا مش هجاوب جاوب انت بدالى بقا

ههههههههههههههههههههههههههههههههههههه

بس بجد بوست جميل اوى اوى

وياريت تشرفى فى المدونة بتاعتى علشان تنورها

تحياتى

رئيس جمهورية اسوان العربية

Unknown يقول...

اشرف باشا حبيب قلبى بجد الله عليك يا بنى ايه كمية السخرية اللى فى البوست دى بجد عجبنى جدا بس مفيش اسئلة اختيارى
تحياتى

b7ar يقول...

اخى الفاضل اشرف توفيق
اولا انا مبسوط منك وحبيتك فى الله
ثانيا احى فيك عبقريتك الساخره واحساسك بنبض الالاف
ثالثا انا لقيت موضوعك مسروق ومنشور فى باب السكوت ممنوع فى جريده المصرى اليوم وطبعا مسكتش وافصحت عن صاحب الموضوع واسمه اللى هو انت طبعا
فتحياتى وتقديرى لشخصك الكريم
اخوك علاء الدين (بحار)

sakayar يقول...

انا فاشل
فااااشل
فاااااشل
التعليق رقم كام انا ؟؟؟
95؟؟؟
عاااااااااااااا
وحشتني موووووووت يا ملك خفة الدم
هوه انا صحيح ف الامارات
لكن بسمع كلام عجيييييب هنا عن اللي بقى ف مصر
وصحييييح الامارات هنا بقت والعة زي مصر
بس فيه حاجات بتطفي
ههههههههههه
ربنا يا عم يعملنا الخير وننجح في الامتحان ده
المشكلة انه مادة العربي دي صعبة اوووووي
تسلم الايد اللي كتبت
والدماغ اللي فكر
والاحداث لأه ... الأحداث لأه
هههههههههههه

عين ضيقة يقول...

يخرب بيت كده

فيه كده فى الدنيا؟

فيه كده فى الدنيا

تسلم ياعم

غير معرف يقول...

هذا الإدراج مسروق من مدونة إسلام فتحى فى مكتوب

فراشة البساتين يقول...

الامتحان ده هايل جدا
بس اعتقد محدش هيفكر يحله
لان التقديرات صعبه جدا

اولا / مبلول من التفافه مع مرتبة القرف

ثانيا /متقيد مع مرتبة فين يوجعك فين

ثالثا/ متقيد مرتفع مع مرتبة كل عسكرى يعدى عليك منتفع

رابعا / متقيد ندا فى السجلات مع مرتبة قانون الطوارىءوازعاج السلطات

خامسا / اجتياز كل الخطوط الحمراءمما ادى الى الاعدام مع مرتبه لا صوت يعلو فوق نزاهة القضاء

تحياتى ليك

انا معاك

ما تقلقش

NilE_QueeN يقول...

الحمد لله الحمد لله الحمد لله يعني

الامتحان بتاعى كان اسهل من دا

موجة يقول...

اخيرا
يا سلاااام
أخيرا الواحد رجع لعالم التدوين بسلام
الحمد لله
بعد كده مش حأغيب عنه تاني
على فكرة البوست ده جميل جدا قوي خالص

اشرف انتا مجرم يا اشرف .. معلش انا مش لاقي كلمة اكثر تعبيرا من دي لانك بجد مجرم فكاهة
هههههههههههههههههه

خالص تحياتي
أحمد توفيق

غير معرف يقول...

إمتحان اللغة العربية لشهادة الثانوية العامة لعام 2008

السؤال الأول: التعبير
اكتب ما لايقل عن 650 سطر فى أحد الموضوعات التالية:

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟


ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى اختر

حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث: القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة


فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع: النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

فى نصى ويجا وخيانة مشروعة وضح خالد يوسف هستيريا الجنس فى الطبقات الغنية.. وفى نص حين ميسرة وضح خالد يوسف هستيريا الجنس فى الطبقات الفقيرة..عشان خطرى.. اذكر مع كامل البيانات أماكن هذه الهستيريا فى المعادى

سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ــــــــــــــــــــــــــــــــــــــــــــــــــ ـــــــــ
السؤال الخامس: النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس: الخط
كوز المحبة انخرم..طرطش على كمى..ياحبيبى بطل جفا وارحم عذاب امى
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

*********************************
عــــيــــب يـا راجـــل هههههه

شفـقــة و إحســــان يقول...

انت ممتاز دمك زى العسل وايه الاسئلة الفظيعة دى...شاطر
شفقة

Unknown يقول...

البوست جالي في ايملات كتييييييييييير

اخد بالك من كتييييييييييير دي؟

بس انا مارضتش اقراه في ولا واحد فيهم وقلت اجي اقراه عندك

جميل والله يااشرف

واكيد لو كنت قريته في وقت تاني كنت هضحك بصوت عالي اويييييييي

كراكيب يقول...

هههههههههههههههههههههه
هههههههههههههههههه
لا استنى عندي ضحك تاني
هيهيهيهيييييي هاااااااهاهاها
ايه الضحك ده
قصدي ايه الحلاوة دي
حححححححححححح انا هروح اقراه علشان اضحك تاني

Alkomi يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

حلم الحرية يقول...

هههههههههههههههههههههه


مين
فين
ازاي

انجليزي ده يا مرسي

طب مفيش ترجمة

مش عارفة اقول ايه بس
وكم فيك يا مصر من المضحكات لكنه ضحك كالبكا

أخف دم يقول...

السلام عليكم ورحمة الله وبركاته
والله مش عارف بجد اقول ايه على كلامكم ده؟؟ربنا يكرمك يارب ويديم المعروف ويبعد عنكم السارقين والسرقات قادر ياكريم
بالنسبة للغير معرف أنا هابقى سعيد بالتعرف عليك اكتر وعلى الشاعر الجميل صاحبك وايميلى موجود فى اى وقت وسعيد بتشريفك هنا
وبالنسبة للديوان هاجيبهولك اهداء ياعم لما اشوفك ان شاء الله عشام معدتش فيه نسخ غير عندى
خروشات ربنا يكرمك ويارب اكون فعلا زى ما بتقول
نزار شهاب الدين الشاعر الجميل منورنى ويارب دايما القاك هنا وقريبا نلتقى ان شاء الله
حصان برى ربنا يكرمك ياابو حميد.. بس مش شايف ان الدعاية المجانية دى بتحرق دم الواحد يعنى لما يلقى كل جرايد مصر واخدة شغله وفكره على عينك ياتاجر.. بتهيألى تبقى صعبة قوى ياريس
وليد.. لو قصدك على عادل إمام وسؤال القراءة فده أقل حاجة ممكن اقولها على عادل امام لأن هوه تمثيله كده فعلا وعموما هاخلى بالى ان شاء الله ومنورنى دايما
الأأخ mm
لو عندك اى اقتراح تانى للتعبير عن قضايا البلد انا معاك وياريت تبقى معايا وننفذه سوا.. على طول التاريخ فيه ناس بتكتب يا جميل .. وعموما منورنى دايما ويارب تكون انبسطت وضحكت وفكرت وحسيت
طارق باشا سعيد بمعرفتك يوم حفلة دار العين وسعيد بنصيحتك وقريبا هيوصلك ما يسرك عنى ان شاء الله.. دعواتك
وجدى الكومى سعيد جدا بمعرفتك وجارى قراءة المطلوب مع انى عارف مسبقا انه اكيد ان شاء الله حلو وعذرا على التأخير لانشغالى يا جميل وربنا معاك ومستنى دعوتك لحفل التوقيع
سارة الغير معرفة
ربنا يكرمك.. وانا اكيد باحبكم جميعا.. اوعى تغيبى عن هنا عشان انت منورانى
الأخ بحارعلاء الدين
طبعا لاحظت دفاعك عنى ربنا يكرمك ويجازيك خير..وسعيد جدا برأيك وتشجيعك ربنا يديم المعروف.. ومنورنى دايما هنا
الأخ غير المعرف
سعيد بوجودك هنا بس ياريت تلاحظ من كاتب الموضوع الأصلى من خلال التواريخ على الأقل.. منورنى دايما
الأأخ العزيز بتاع بلاش حركات الاستفزاز دى
من الطبيعى ان فيه كذا طريقة لحل مشكلة البيست والكوبى وانا عارفهم والجميع عارف بس انا حاولت انى اقلل بس العملية.. وكنت متوقع منك بدلا من انك تتوقع انك جبت التايهة وتحط البوست تانى .. كنت متوقع انك تشاركنى فى مشكلتى وتشوف حل بديل معايا.. صح وللا ايه؟؟ عموما منورنى دايما وياعم شكرا على النصيحة واتمنى انك متبقاش مستفز.. اوعى تغيب
إسراء
يارب يكون خير يا اسراء اتمنى تكونى كويسة ومفيش حاجة حصلت .ز قريبا هاعرف وافضى واكلمك.. اصبرى ان الله مع الصابرين
متشكرين ياجماعة بجد على كل الكلام الجميل.. وبالنسبة لموضوع السرقات فده بقى الطبيعى وياريت بس اللى يلاقى حاجة يصححها ويقول مصدرها وربنا يكرمكم جميعا وهنيالك يافاعل الخير والثواب.. وربنا ع المفترى
ههههههههه
يللا ربنا يكرمكم جميعا
أشرف توفيق

غير معرف يقول...

لذيذة جدا

غير معرف يقول...

موضوع جميل جدا...احييك على السلوك "الساخر" والظريف


متخدش بالك من الكلام اللي فوق-كاتبه غلاسة في حد-

قشطة على دا موضوع

غير معرف يقول...

gamel gedan elpost da enta malksh 7al we enta 3aref lo kan elemt7an geh kda fe ethanaweya bythay2aly kano el3yal kolhom 7alo we kano kolhom ra7o wara eshams bardo bas post malosh 7al fe3lan

Abo Maryam يقول...

هم يبكى وهم يحزن
بس انت استاذ

Abo Maryam يقول...

عاوز تعليقات عن إدمان مشاهدة المواقع الاباحية منك يا استاذ
ممكن ؟
وممكن تزورنى فى المدونة وتعرف الموضوع كله

غير معرف يقول...

الموضوع ده منقول من ملحق جريدة الأخبار .. وأعرف الكاتب الحقيقى والدليل موجود والكاتب موجود .. هتستفاد ايه يابنى لما تسرق .
واللى بيطبلوا ويزمروا ( مش بتقروا جرايد ؟) .