اخبار

الأربعاء، 23 أبريل، 2008

جواب وجواب



العزيزة جدا / مروى (أمة نعيمة)
تحية عاطرة ملتهبة محملة بدستتين جاتوه وكثير من الأشواق
ثم أما بعد
طالعنا بمزيد من الأسى والحزن والدهشة القرار الظالم الجائر المفترى لمحطم المسلسلات وطارد المُزَّات المدعو أشرف زكى.. والذى نص ظلما على أنك ومعك الكثير من الآنسات العفيفات الشريفات العرب سوف تخرجون من بلدنا زى الكلاب _لا مؤاخذة يعنى ده كلام الراجل_ ولن تمثلوا إلا عمل واحد فى العام!
وإننا نحن الشعب المصرى نكتب لك بمزيد من الحزن معلنين أننا لا نؤيد هذا القرار وأننا نتضامن معكن جميعا _وأولهم انتى يعنى_ ومستعدون للوقوف معكن فى أى وقفة احتجاجية على سلم أى نقابة. وإذا كنتِ تغنين لأشرف زكى (الصراحة راحة ياروحى وانت مبتعرفش).. فإننا نحب التنويه على أن هذه حالة عرضية لشخص وأن الشعب المصرى كله هـ (يعرف) يجيب لك حقك!
إننا نتعجب يا سيدتى الكونتيسة من هذا القرار.. كيف طاوعته نفسه أن يحرمنا من هذا التوهج الفنى الذى لفت إليك الأنظار الفترة الماضية.. من ينسى دورك الخالد فى الفيلم الوثائقى (حاحا وتفاحة)؟؟ أو أغنيتك التاريخية (أمة نعيمة.. إهّى)؟؟
لا تتعجبى سيدتى من هذه القلة المندسة من الشعب التى ترفض مثل هذه القيم التاريخية.. فإننا مازلنا على عهدنا معك..ولن نلتفت أبدا إلى مثل تلك القضايا التافهة مثل الإضرابات المتتالية أو عمال المحلة أو رغيف العيش أو غلاء الأسعار أو احتكار الحديد أو حوادث الانتحار الجماعى من الهم والضيق أو اعتقال إسراء عبد الفتاح اللى منعرفش هيه فين.. فإننا بحمد الله عندنا ما يشغلنا من القضايا المهمة التى تشغل الرأى العام بأسره مثل قضيتك وقضية عصام الحضرى وقضية انتخابات نادى الزمالك _أيوة حضرتك فيه نادى اسمه الزمالك_ واللقاءات المهمة المؤثرة فى حياتنا مع نجوم الفكر مثل سمية الخشاب وأحمد الفيشاوى وصاحبة الصون والعفاف مى عز الدين.. ولا ننسى خالد الذكر تامر حسنى طبعا..ازاى ننساه؟؟ ده شعره يعمل علينا قضية
أعرف أن هناك من يشككون فى قدراتك _أقصد القدرات الفنية طبعا_ وبيقولوا ان واحدة ست نشرت هدوم فى البلكونة فنقّطت على هدوم مواطن تحته.. والظاهر ان المية كانت مش ولابد.. وفيه ناس بيلعبوا بالنار.. أنا باحذرهم جميعا!
لا تلتفتى ياسيدتى إلى كلامهم وسيرى فى طريقك..ومادام انتوا صح .. يبقى أكيد احنا اللى غلط
وفى النهاية أبعث إليك كثير من التحيات _نمشيها تحيات بس_ من أقاربى وأصدقائى وجيرانى _الرجالة بس_وإلى سيادتكم جزيل الشكر

مقدمه لسيادتكم

أشرف توفيق

ــــــــــــــــــــــــــــــــــــــــــــــــــــــــــــــ

والدى العزيز
بعد التحية
أحب اعرفك انى بخير الحمد لله..والشغل زى الفل.. والإشاعات اللى بتيجى على القنوات الفضائية الى بتقول اننا متعذبين هنا فى البندر والمترو متعطل والمواصلات زبالة وطالع روحنا مش صحيحة.. ياريت بلاش من القنوات دى واتفرج على البيت بيتك أحسن.. واسمع كلام العسل تامر أمين وهوه هيخليك من فرحتك تيجى تقعد معايا فى الشقة.
وأحب اعرفك ان تعبك جه بفايدة..وان اللى اتعلمناه فى المدارس طلع صح بحمد الله.. طلعت فعلا الأرض كروية.. أى والله.. يعنى مثلا مش أنا سبتك فى المنصورة وقلتلك أنا رايح أسكن فى القاهرة.. قمت الصبح ياعم الحاج لقيتنى ساكن فى حلوان..أى نعم أنا لسة ف نفس العمارة ومع نفس البواب بس هوه ده دور الدولة .. انها تنقلك من محافظة لمحافظة وانت مش حاسس.. يعنى عشان تعيش فى نفس الأتموسفير ومتحسش بغربة..
بعد كده جواباتى مش هينفع أكتب عليها عنوان.. تخيلوا انتوا بقى انا فين وخلاص..عشان سمعت طراطيش كلام ان المعادى اللى انا فيها هتبقى قريب تبع المنوفية.. وفيه ناس قالوا انها هتبقى تبع محافظة شبرا اللى لسة هتتعمل برضه قريب.. بس الأكيد انها هتبقى تبع الوادى الجديد أو الشرقية..عموما متقلقوش عليا.. أهو أنا باشوف الدنيا وانا ف شقتى ومسيرى ألف مصر محافظة محافظة.
وصيتك بيتنا يا حاج.. اوعى أجيلكم ألاقيكم بقيتوا فى كفر الشيخ.. أزعل قوى..خليك صاحى وراقب بيتنا كويس.. معدش حد ضامن بيته.
وما تنساش
الأرض لو عطشااااااااانة
نرويها بدماااااااااااااااااانا


ابنك التائه فى المحافظات

أشرف

هناك 44 تعليقًا:

واحد مش فاهم حاجة يقول...

سامع قلق فى العنبر وناس مش عاجبها الكلام

بقى دى يعنى غلطة الحكومة انها

بتنشط السياحة الداخلية بمناسبة اعياد الربيع

اما صحيح شعب ميعجبوش العجب

اهو ده عيبه يقول...

اولا ليك حق فعلا فى موضوع القرار الجائر لاشرف زكى فى حق الاخت العزيزة المعزوزة مروى وشركائها، ازاى تطل علينا مرة واحدة بس فى السنة، وتحرمنا من الابداعات الفنية دى، ربنا يكون فى عوننا ويصبرنا على غيابهم

ثانياموضوع المحافظات ده مش اثبت ان الارض كروية بس لا دى على عجل كمان، اهم حاجة بس قصر القبة حيفضل فى مكانه ولا حيروح السلوم؟ ياريت يطمنونا

غير معرف يقول...

طبعا النقيب غلطان ازاى يحرمنا من مروى
دي حتى عليها جوز...عيون تنسيك الخوازيق
الحكومية اللطيفة
.........
المرة الجاية اوعى تتأخر وإلا حنقلك اسوان
تصحى تلاقي الدنيا كحل.

Romio 88 يقول...

انت كدة صالحتنى ياعم اشرف

بس عجبتنى قوى حتة المحافظات دى لان انا يوم ماسمعتها اساسا فى التلفزيون فطست على نفسى من الضحك

شجره الدر يقول...

هههههههههههههههههههههههههههههههههههههههههههههههههههههههههههه
معلش هيحرموك من مروى ومثيلاتها
المفروض الشعب يعمل ثوره على كدا
ولا تزعل
وكل سنه وانت طيب بمناسبه شم الفسيخ
وماتقلقش على بيتكوا لسه اعمار الحكومه للمدن الجديده ماوصلش المنصوره
ايوه الحكومه عايزا 6اكتوبر تتعمر هى وحلوان فقالوا يخلوهم محافظه لوحدهم يمكن الناس تروح هناك وتهاجر
ولما ينزلوا يقولوا
لبيك اللهم لبيك
تحياتى لاخف دم

monaliza يقول...

عايزاك معانا يا اشرف
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
ادخل على المدونة دى واترك اسمك ورابط مدونتك وهمتك معانا بقى تجيبلنا اكبر عددمن التوقيعات

FaceMoon يقول...

ههههههه كالعادة ادخلت البسمة على قلبى وفعلا انت اخف دم بهنيك على موضوعاتك اللى بتعرضها بطريقة ظريفة وبها نوع من سخرية القدر اللى احنا بنعيش فيه
خلى بالك على نفسك بقى الا تروح محافظة مش محطوطة اصلا فى الخريطة ونضطر ندور عليك كتير
تحياتى

t3ban يقول...

حتفضل طول عمرك اخف دم
و بالمنظر ده مسيرنا نتلم في محافظة واحدة
و نبقي جران كمان المسافة مش بعيدة
اما عن الاخت مروة
احب اقولها انا احنا شباب كيكي كيكي من الي بيروح و بيجي اه
بس رجالة اوي و مسرنا حناخدلها حقها

خمسة فضفضة يقول...

السلام عليكم ورحمة الله وبركاته

معلش يا اشرف استحمل الحكومه ونقابات الحكومه ، هتعمل ايه بقي عيال وبتغلط وانت الكبير برضو

مجداوية يقول...

مالها بقى محافظة كفر الشيخ تزعل ليه لو اتنقلتوا ليها !!!! على الأقل من يوم ما كفرنا الشيخ محدش قدر ينقلنا من مكانا!! بس بصراحة انت مباح لك كل الكلام خد راحتك أسلوب رائع فى النقد وتلميحاتك الواضحة فى منتهى خفة الدم بس أمّااا نعيمه لا تكتب أمة نعيمه بالتاء المربوطة عشان متكونس منسوبة لنعيمه رغم ان أمة لا اله الا الله عارفة الاغنية الخالدة

ادم المصري يقول...

الباشا الكبير تحية طبية واما بعد
.
.باعتبار ان ما كان سيكون وان الله ف العون ويدم الصحة ويحسن الحال
فانا احب اقف بجوارك واساندك واشد شدا قويا من عزمك في مسانده الاخت الكرمة
صاحبة الصون والعفاف الاخت مروة اما نعيمة
خصوصا وحتما ولابد
طبعا امال ايه

وانا من زنقفتي في معبر القاهرة حلوان
المعادي ياعني احب ارض واستنكر واشجب وادين
كل القرارات الغارضة والتي من شانها تفتيت الامة
الشرقية حطت ايدها علي العاشر من رمضان بعد ما سته اكتوبر خدت الصف

انا احب اناشد اخوانا العاشر من رمضانينن انهم يلتزموا الصمت ولا غيرة من اخوانا السته اكتوبريين كلكم اخوة والنصر كان مشترك بينكم

لا فضل لسته اكتوبر علي العشرة من رمضان

الفتنه نائمة .. والعن الله من ايقظها

اخي وصديقي اشرف توفيق
نعم الاخ والله
خير من يمثلكم فانتخبوه
السلام عليكم ورحمة الله وبركاته

تيت تيت اشرف توفيق
تيت تت تيت اشرف توفيق

Amr Fekry يقول...

القلة المندسة looooooooool

واحد من البلد دى يقول...

طبعا البوست جميل كالعادة...بس أنا ليا سؤال...هى السيدة الفاضلة المناضلة القائلة(الصراحة راحة يا دكتور وسيادتك ما بتعرفش)تتبع أى من الجمعيات المعنية بحقوق الشباب ...؟؟؟؟ لأنى بصراحة أريد أن أشاركها فى الكفاح..والكفاح...والكفاح...واجيب أصدقائى كلهم ليشاركوها الكفاح...من الآخر...حاخليها تموت من الكفاح...ولتكن أغنيتها التالية(يا حلاوتك يا عنبة..وإنتى قاعدة على الكنبة)...سلاااااااااام

esraa يقول...

هههههههههههههههههه

تحفه ياأشرف

انت بقيت حلوان صح

يالا ياسيدي اتبسط اهو

الراجل الكبير مش حارمكم من حاجه

المهــــــــــــم يقول...
أزال المؤلف هذا التعليق.
المهــــــــــــم يقول...

بالنسبة لموضوع المحافظات :
احب اعرف احنا هنفضل في الشحططة دي ياما ولا خلاص كده

هو مش ممكن اصحي بكره الاقي نفسي تبع محافظة القاهرة اصل انا من البحيرة وعندي مشوار الصبح في القاهرة
كده بقي يبقوا عملوا معايا الواجب



بالنسبة للانسة مروي انا ملاحظ ان الكل مع مروي ونسيوا الباقي ليه كده هو هيبقي النقيب وانتم

Noha El-arabi يقول...

يعني اخوات فضليات ازاي ازي يحرموهم من دورهم البناء الهادم اساسا ازاي؟؟؟
و بعدين احمد ربنا ان مصر بتفسحك كل يوم في محافظة و ادعي كده يمكن تلاقي روحك اتحدفت في مرة روحت امريكا كنوع من توطيد العلاقات بينا و بينهم
هنيالك يا عم ابقي اكتبلنا من هناك و من امام الكونجرس مراسلكم اشرف توفيق

shirry يقول...

والله ا نت فيك الخير
وبحب اقول للست مروة وكل زميلتها الافاضل متخافيش
كلنا معاكي
ماحنا خلاص بقينا فاضيين ولازم برضو يبقي في ترفيه علشان احنا شعب فرفوش مووووووت

اما المحافظات دي فكرتني بمسرحية كدة اوك
بس عموما متقلقش في حالة انك توهت ومعرفتش ترجع المنصورة ممكن تتصل ب 8000 ووخلي عندك امل ان الصدفة هتجمعك انت واهلك تاني في عند بحيرة ناصر ان شاء الله

بالتوفيق دايما

shady يقول...

بالنسبة للأخت مروي انا متضامن معاك ميه في المية .. صحيح .. لغويا الفرق بين مروة ومروي ايه بالظبط عشان الاخت مروي قالت في فرق كبير .. مش عارف كبير ييجي اد ايه
وطبيعي ان الشعب كله هيقف نيتي خالصة في الكلمة دي ) علي باب اشرف (نقيب الممثلين ) ويطالب باستثناء مروي من القرار دا لأنه قرار ظالم بالمقارنة بدورها العظيم في مصر من ايام الفراعنة لحد دلوقت .. دي لولا مش مصرية كانو حطو صورتها علي الجنيه بدل دولاب كل شاب مش لاقي يتجوز

بالنسبة لموضوع الحاج ربنا يديله الصحةويصبره علي الحكومة ثم علي ابنه .. المصيبة مش انهم ينقلوك من محافظة لمحافظة .. الخوف مع تطبيع العلاقات مع اسرائيل تلاقي نفسك تبع تل ابيب .. لحد دلوقت التغييرات في اطار الوطن نفسه ومش فارقة كتير مع تحسن خدمة القطر والمترو والطيارات النفاثة بين المحافظات والمكوكات اللي بتودي العيال للمدارس .. ويجعله عامر والبقاء والدوام لله

الله .. الوطن .. ازازة الزيت

Faten Fawzy يقول...

هههههههههههههههه ظريف اوى المرة دى يا اشرف ما شاء الله عليك

AwaadZ يقول...

حقيقي مالكش حق
يعني تكتب للست الفاضلة مروى و تنسى باقي الستات الفاضلات ؟
يعني لما مايا نصري مثلا تعرف إنك بعت جواب لمروى و مش عبرتها تعمل إيه ؟
ثم برضه يا أخي كان لازم تدي شوية إهتمام بالقضية الكبيرة أوي أوي بتاعت السد العاااااااالي الحضري
اللي غرق مصر كلها
و بلاش تذكر ربنا يكرمك الحاجات الهايفة اللي مش فايضيين لها زي طوابير العيش و الحديد و الشقق و التأمينات والأسعار و التعذيب و الكبت الحكومي و مصادرة الحريات و السرقة و النهب لأموال الشعب الوحش اللي مزعل الناس الكبيرة منه و الناس اللي بتموت في حوادث طبيعية كل شوية و التلوث و التكدس السكاني و منظرنا اللي بقى عار قدام شعوب العالم و كرامتنا المتبعزقة في كل مكان و غيره و غيره من الحاجات التافهة اللي المغرضين مصدعينا بيها
و يا سيدي أديك بتتفرج على معالم مصر حتة حتة
عقبال ما تصحى كدة بكرة من النوم تلاقي نفسك في محافظة أسيوط مثلا
تحياتي يا باشا على البوست الهايل

hend...hanady يقول...

والله انا اكتر حاجة حرقت دمى السنة دى ان يوم ما ولعوا فى المحلة جيت ادور على البيت بيتك اشوف ايه الحكاية لقيت اشرف زكى وواحد تانى ماسكين فى خناق بعض على هند صبرى والبلد بتولع
اه بطل تشوف ايام السادات كتير مضر بالصحة خليك فى الكوليسترول الخفيف وحاحا وتفاحا وعمر وسلمى خلينا نشجع موسيقار الاجيال وعندليب الشرق و الغرب الكبير مقاما تامر حسنى

كوارث يقول...

هههههه
ده اول زيارة ليا للمدونة وشكلي هتابعها دايمًا ..
اؤيدك في كلامك للست مروىىىىى طبعًا ونشكر كل من قال نعم ونخصها بالشكر لانها قالت نعمين
الجواب التاني بيتكلم عن ان القاهرة هيتعمل فيها محافظتين جداد صح :D
آهو ده بقه الاتجاه القومي الجديد للبلد .. أسوأ ما في الموضوع ان هيبقى فيه مديريتين أمن جداد !

بنات صاحبة الجلالة يقول...

هههههههههههههه
الصراحة راحة القرار دا ظالم وقطعت في قلبي وصعبت عليا عمل واحد بس في العام احنااوي والمفروض نلم لها فلوس اهه كانت بتسترزق برضوا وبتجري علي ايتام تبرعوا من اجل مروي تعاطفكم وحده مش كفاية هههههههههههههههههه
بجد بوست لذيذ اوي تسلم ايديك

تقبل مرورنا

غير معرف يقول...

الاخ الحبيب اشرف توفيق\
نحيط علم سيادتكم
اننا نشجب وندين باسم كل الشباب
الذين انهالت عليها البركات نتاج اتخاذ
الفنانه مروى ومايا نصري ومي عز الدين\ وسميه الخشاب
قدوة جراء تقدمهم الرائد في رفعه مستقبل مصر الرائد
وتحديها لكافه محاولات الابتذال
وقيامهم
اه وعهد الله
بالكشف عن الحقائق الدفينه
ركز معايا يا باشا
وبالكشف عن الخبايا والدقائق
والصراحه راحه
اشرف ذكر مبيشوفش
والي سيدتي الجميله مروى
اذكرك بانكي معنا
دوما علي طريق النضال
واننا ندين اي والله ندين ما تتعرضين له من هجمه شعواء تستهدف ابعادك
عن من يحبون الحقائق مكشوفه وعليها دبان كمان


واننا ادعوكم لعمل جروب
اضراب 7 مايو تضامنا مع مروة ام نعيمه

واننا نعلن تحالفنا مع اللجنه السياسية\ العليا لحزب
الفيس بوك الالكتوني

لدعم متطلبات العري والديمقراطية
وشفافيه بدل الرقص


بالنسبة لوجودك المعادى
اقتراح تطمينا لوالدك
العزيز الذى انجب لنا اجمل خفه دم
بتشتغل بجريدة الدبور
ان تنتقل للعيش ببلدتك
وانتظر دورك للنقل لمحاغظه المعادى



الاخ اشرف توفيق طولت عليك واحاول
ان اخف دمي ولكنني وجدت انني ممن يعانون الضغط وفقر الدم نتاج السياسات
الدنئيه التي استهدافت
مفاتن الانسه مروى وابعدت القين التاريخيه العليا التي كنا نعتمد عليها
اشكرك واتمني لك

مش عارف هتمنالك ايه مهو اسمك كله توفيق

اسماء يقول...

العبقرى الى سماك اخف دم المفروض تكتب فيه قصيدة
يا رب تلاقى نفسك فى اسكندرية عشان نشوفك

حزيــــــــــــــــــن يقول...

اجمل ما فى كتبابتك انها بتحمل قضيه
بس قضيه تموت من الضحك

Oma يقول...

hhhhhhhhhhhhhhhhh


entaa tari2tk tegann bgddd

مدحت محمد يقول...

هههههههههههه
اسلوبك
بجد ساخر جدا
يهلك من الضحك
والصراحة راحة وانت بتعرف كدة كويس


بخصوص المطربة المبجلة مروة مبتعرفش
الحقيقة خالد زكى مبيعرفش بيعمل ايه
لازم حد ينبهه
بس لعلمك انا ضد الهجوم على شخصه فى الاول والاخير
الحج بقى
وموضوع المحافظات والتقسيم الادارى
ده شىء طبيعى قعلا لان الارض بتدور حول نفسها
وممكن على 20100
تلاقى مصر بقت فى اسيا
محدش عالم
تقبل تحياتى

العبـد لله يقول...

الحقيقه عجبني أكثر الجزء التاني من المقال . وأكتر حاجه عجبتني تخيلوا انا فين ..ومعاك حق لأن الواحد ماعادش ضامن نفسه بس أنا سمعت ان الريس كان ليه اتنين حبايبه وكان عاوز يعمل معاهم الواجي وكده يعني ..فقالك ايه بقه يعمل محافظتين جداد ويمسكهم لهم وبكده يبقى طلع من المزنق ده..ويجعله عامر

الإتربي اللولبي يقول...

ياااااااااااسلام يا أشرف

مروى ؟؟؟

يا خراااااااااابييييييييييي

دي يا ما نامت .. عفوا .. كانت (بتتنااااا .. قش ) فكريا مع شباب الوطن العربي مع مراعاة فروق التوقيت ( و ده طبعا ف أحلام الشباب ) حتى كان نفسي اشوفها ف حلمي عشان اعرف إمكانياتها (الفنيه)الجبارة .

عموما الله يسامحك يا أشرف يا زكي ..

ayman badr يقول...

أكيد طبعا قرار ظالم وكبت للإبداعات الفنية عن الفنانة المبجلة مروى
وعلى فكرة الأرض مش على عجل ولا حاجة دى على رومان بلى.. توماتيكى توماتيكى
بوست جميل يا اشرف مستنى زيارتك
تحياتى

maha zein يقول...

بشرى سارة الى رواد المدونات المخنوقين


لو مخنوق او عندك مشكلة اتفضل فضفض هنا علي الميل ده بميل مستعار ومن غير ذكر اسمك لو تحب وهنعرض مشكلتك علي مدونة اقلع همومك الي هيتم تفعيلها بعد نزول اول مشكلة فيها وهنخلي الناس تقول رأيها فى مشكلتك.
وهنستعين بأراء متخصصين اذا لزم الامر ...
استشير غيرك وشوف راى الناس ايه
و الايميل هو
fadfad.here@yahoo.com او ادخل اعرف اكتر من مدونة انها الحياه http://www.enahaelhaya.blogspot.com
او من مدونة نورانيات

http://45days-repentance.blogspot.com/

ساهم في التخفيف عن غيرك بتعليقك علي مشكلته وايجاد حلول لها
من فرج عن مسلم كربة فرج الله عنه كربة من كرب يوم القيامة
او حتي خفف عن نفسك
يلا سارع عشان تفوز بلقب اول مشكلة في المدونة
انشرها لعلك تكون سببا في التفريج عن غيرك

مفقوعة مرارتي من حماتــــــــــــي يقول...

هههههههههههههههههههه
ههههههههههههههههههههههههه
ههههههههههههههههههههههههههههه
مش ممكن علي دماغك دي يارااااااااجل
أنا مش هاأجيلك تاني أحسن هاتجيلي سكتة قلبية من الضحك

واحدة مفروسة يقول...

ههههههههههههههه
ههههههههههههههه
والله انت دمك خفيف بجد....هههههه وبعدين اهه و انت قاعد فى شقتكم و لفيت محافظات مصر...و عايز اكتر من كده من الحكومه اهه مفسحاكم كمان ههههههههه

سهر الليالى يقول...

هههههههههههههههههه
لالالالالالالا
تصفيق حاااااااااااااد مع أنحنائة وخلع القبعه كمان

بجد كلامك دمو زى العسل
تحياتى واعتبرنى صديقة للبرنامج قصدى للمدونة
:)

واحدة مفروسة يقول...

وانا بتفسح فى النت النهارده لقيت الصوره ديه افتكhttp://aaramnews.com/News_Images/News_8212007_25941_AM.jpgرتك

tota يقول...

هم يضحك وهم يبكي
كتاباتك بجد مش عادية تقرا وتحزن وتستمتع وتضحك وتبكي
بحييك علي سطورك
سلامي ليك وكل الود

أخف دم يقول...

السلام عليكم
يادى النور يادى الهنا ياناس.. منورين فى القعدة تملى
المرة دى مش عارف بجد ارد اقول ايه.. الجميل فى الموضوع ده ان الكل متفق معايا وشايل فى قلبه وساكت عشان مروى هتمشى من البلد ومعاها بقية المحترمات..عموما ربنا يكرمكم على المدح الجميل اللى يارب اكون استحقه.
منورين دايما يا أحسن ناس ويارب البوست الجديد يعجبكم
أشرف توفيق

د/اجدع بنوته يقول...

احلى شعب بيعرف فعلا يجيب حقه وحق غيره طبعا

لو الشعب ميعرفش مين هيعرف

اما بالنسبه للبيت

ف محافظة الشرقيه ترحب بيك وبشده

ع ان .. تلحقنا قبل ميبعتونا المنيا

تحياتى

ضحكة من القلب يقول...

اشرف وينك انتا مو باين من زمان انا امون من فلسطين ازا بتتزكرني لو سمحت طمنا عنك

شيماء الجمال يقول...

بجد مش ممكن الضحك اللي ضحكته :)

هبة النيــل يقول...

الصراحة الصراحة يعني يا أستاذ أشرف

دا عطف منك وكرم مصري ...

زاااايد

بس يا فندم تعاطفك لوحدو مش كفاية :)

اتبرعلها بألف جنيه وللا حاجة

حتى تعوضها الخساير من "قلة الشغل"

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه