اخبار

الأحد، ١٣ يناير ٢٠٠٨

أخبار العام الجديد


الأخبار السياسية
قرر السيد اللواء الوزير مدير الأمن المحافظ أمين الحزب أحمد عز الاتجاه إلى الثروة الزراعية وشراء كل محصول السبانخ من البلد واحتكاره.. وقد أقدم على هذه الخطوة بعد انتشار إشاعات مغرضة بأن السبانخ مليان حديد
ـــــــــــــــــــــــــــــــــــــــــــــــــــــــــــ
بعد أن تزوج السيد اللواء الوزير مدير الأمن المحافظ أمين الحزب الملياردير أحمد عز بالسيدة صاحبة المليارات وعضوة مجلس الشعب شاهيناز النجار فيما عرف بزواج (المال والسلطة) مع (المال والسلطة).. قرر عم فتحى البواب الزواج من أم عبده بتاعة اللبن .. فيما عرف بزواج ( الفقر والهمّ) مع (الفقر والهمّ)
ــــــــــــــــــــــــــــــــــ
قررت الحكومة بعد انتشار ظاهرة التعذيب في السجون أن تقوم بجلد وصعق وضرب وسحل مواطن مسلم.. وفى الزنزانة المجاورة نفس الأفعال مع مواطن مسيحى.. تطبيقا لشعار ثورة سعد زغلول.. يموت الهلال مع الصليب
ـــــــــــــــــــــــــــــــــــــــــــــــــــــــــــــــ
بعد إلغاء دعم الخبز وغلاء السكر والأرز والزيت والسمن وباقى ضروريات المعيشة قررت الحكومة استيراد أحبال جيدة الصنع تصلح للشنق،مع استيراد أطنان من سم الفئران. وهذا لزيادة الطلب على الأصناف المذكورة!!على أن يكون مكتوبا على كل حبل وعلى كل علبة سم... الحكومة تضر بالصحة وتسبب الوفاة
ــــــــــــــــــــــــــــــــــــــــ
قررت وزارات التعليم والتضامن الاجتماعى والداخلية والرى التنسيق فيما بينهم.. حيث يذهب الفرد للتعلم في وزارات التربية والتعليم والتعليم العالى.. ثم يتخرج فيشحت فيذهب إلى وزارة التضامن الاجتماعى.. وعندما يواجه البطالة يتحول إلى إرهابى فتتلقفه وزارة الداخلية..وعندما يتم تظبيطه جوه أمن الدولة يخرج عشان يشرب من البحر عند وزارة الرى


الأخبار الفنية
بعد أن تسببت الراقصة دينا في أحداث التحرش في وسط البلد أثناء وصلة رقص حبا للجمهور في الشارع العمومى أمام سينما مترو.. قررت دينا أن تدعو الجمهور نفر نفر إلى بيتها لمواصلة الوصلة الراقصة..مع تحذير من عدم دخول أى موبايلات أو كاميرات فيديو.. أو أى حد اسمه حسام
ـــــــــــــــــــــــــــــــــــــــ
بدأ تصوير المشاهد الخارجية من الفيلم الجديد للزعيم عادل إمام والوجه الجديد سوسو 13 سنة..والقصة تدور حول عادل إمام الذى يحب سوسو ويطلب منها بوسه فترفض.. فيبوس واحدة غيرها..وتتوالى الأحداث والأبواس.. إلى أن يستطيع الزعيم أن يأخذ بوسة من سوسو 13 سنة.. ويتزوجها.. وصرح عادل إمام قائلا أن الفيلم يتناول برمزية قضية الشباب الغرقى المهاجرين إلى إيطاليا
ـــــــــــــــــــــــــــــــــــــ
بعد اقتناع هانى شاكر أن الغناء الحقيقى لم يعد موجودا.. قرر الاتجاه إلى الأغانى الشعبية والتافهة.. وقرر أن يغنى أغنية العنب مرة أخرى بتوزيع جديد.. ولأنه مطرب من جيل العمالقة .. قرر أن يغنى عنب من بتاع الصوبة أبو أربعة جنيه
ـــــــــــــــــــــــــــــــــــــــ
حادثة رهيبة شنيعة حدثت للمطرب المحبوب تامر حسنى.. حيث اكتشف بمحض الصدفة غياب شعرة من شعر صدره.. وقد أجَّل الفنان المحبوب تصوير بوستر الألبوم القادم إلى أن يتم العثور على شعرته المحبوبة بعد أن قرر التجديد والتطوير في البوستر بحيث أن تكون صورة البوستر عبارة عن شعر صدره بس من غير وِشُّه
ـــــــــــــــــــــــــــــــــــــ
بعد أن سمعت نجمة الجماهير الشابة نادية الجندى آراء الناس في مسلسلها السابق عندما قالوا إنها لا تستحى وإنها (يندب ف عينها رصاصة).. أكدت استهزاءها بآرائهم قائلة أنها لا تخاف من الناس .. لأن العين عليها حارس

الأخبار الرياضية
خسر النادى الأهلى للمرة التاسعة على التوالى في الدورى العام.. ومن المعروف أن النادى الأهلى رغم خسارته مازال يتصدر الدورى بفارق 97 نقطة عن أقرب منافسيه وهو نادى .......... مش فاكر اسمه .. هوه نادى بيلبس أبيض
ـــــــــــــــــــــــــــــــــــــــ
بعد خروج مرتضى منصور من الحبس.. أنباء سرية عن أنه سوف يعلن في مؤتمر صحفى كبير عن وجود مستندات مهمة بحوزته تكشف اختلاسات وفساد في النادى الأبيض أثناء حكم محمد على باشا
ـــــــــــــــــــــــــــــــــــــــــ
نفى اللاعب حسام حسن شائعة اعتزاله معلنا أنه في قمة عطائه الكروى.. وأعلن أنه قد وقع عقدا مع نادى صفط اللبن لمدة خمسة وعشرين سنة
ــــــــــــــــــــــــــــــــــــــــ
بعد أن أصبح أحمد شوبير هو المعلق والمذيع والمعد وعضو مجلس الشعب ووكيل لجنة الرياضة ونائب رئيس الاتحاد لكرة القدم.. قررت القيادة أن تعطى له كرة قدم في يده .. وهوه يلعب اللى عايز يلعبه بقى
ـــــــــــــــــــــــــــــــــــــــــ
بعد إعجاب الرئيس باللاعب حازم إمام اثناء مشاهدته من المقصورة لمباراة مهمة.. أخبره أحد الجالسين أن حازم إمام لاعب الزمالك هو ابن حمادة إمام لاعب الزمالك السابق أيضا.. فأبدى الرئيس اعتراضه على التوريث داخل النادى

إعلانات
مطلوب شاب جامعى حاصل على بكالوريوس الطب والجراحة تقدير جيد جدا..حسن السير والسلوك..يجيد الفوتوشوب والجرافيك..يفضل ذوو الخبرة.. لتصليح ساعة يد لثرى عربى
ـــــــــــــــــــــــــــــــــــــ
تعلن شركة مصر للطيران عن تنظيم رحلات سياحية فاخرة إلى لندن بشكل منتظم للسادة رجال الأعمال أصحاب القروض والهاربين..على أن تخصص الدرجة الأولى إلى السادة فوق المليار جنيه.. والدرجة الثانية للسادة فوق المائة مليون جنيه.. أما السادة المكافحين الذين نهبوا أقل من مائة مليون جنيه.. فتنظم الشركة لهم رحلات على أتوبيسات غبور إلى ليبيا وياتهدى يا تعدى
تنبيه: الاشتراك بأسبقية الحجز نظرا للضغط الشديد
ـــــــــــــــــــــــــــــــــــــــ
تعلن جمعية الرفق بالكلاب الدولية المشهرة تحت اسم ليه تهوهو بعيد..تعالى هوهو معانا عن حاجتها لمُرَبـِّى كلاب له خبرة.. على أن يكون شبعانا ومستورا عشان مايبصش للكلب ف لقمته.. المصريون يمتنعون

هناك ٥٢ تعليقًا:

غير معرف يقول...

حمد الله على السلامة يا ريس .. فينك يا عم أشرف والله وحشانا كتاباتك اللى دمها زي العسل ..
نورت البلوج بتاعك يا باشا ..
أما عن الأخبار السياسية فأنا شايف إنك غلطت وكتبت الأخبار بتاعة القرن اللي فات ولو دققت أوي هتلاقي نفسك متأخر شوية فى إذاعة الأسرار العسكرية وللا أنت كنت مستني على مرور 25 سنة عشان المخابرات وكده ..
أما بالنسبة للإعلان بتاع تصليح ساعة الثري العربي مينفعش واحد بكالوريوس خياطة وزراير ومعاه برنامج البينت ( الرسام ) ..
حسبنا الله ونعم الوكيل .. قلبت علينا الهم يا أشرف ..
-----------------
المهم إنك رجعت نورتنا تاني وكتبت وأنا نفسي تكتب باستمرار ..
----------------
وعلى فكرة أنا أول واحد يعلق على الموضوع ده .. عد الجمايل

إبـراهيم ... يقول...

هيهيهي هوهوهو هاهاهاها


لهوا مصـر بتعمل ده كللله ف الني آدمين يا أشرووووف ؟؟؟؟
بدنــا نشوووفــك يا جميــــــــــل

إبقى نووور !

YHYيــوســف الـمصـرى يقول...

السلام عليكم ورحمة الله وبركاته
............................
اشرف باشا حبيبى
أنت جبت الاخبار دى منين ؟
ومالك بالحج عزو ما يتجوز يا عم برحته .... بس الا قلى ألا عزو اتجوز متأخر ليه كده؟ أكيد كان بيكون نفسه!
ربنا يباركله ياسيدى بس لازم يحكم المودام الجديدة ويبطش بيد من (حديد ) علشان شكلها بنت زوات ومدلعة وسلملى على عزو :)
بوست هايل يا اشرف بجد كالعادة
بجد انا بعشق قلمك الساخر المحترم
ربنا يخليك لينا ويبارك فيك يا اجدع وأغلى أخ وصديق
بقلك بجد هموت واسمع قصيدة جديدة متتأخرش علينا
.....
تحياتى

غير معرف يقول...

ههههههههههههه

جامدين جدا :d

غير معرف يقول...

نسيت خبر ان فوز احمد فتحي صرور بلقب افضل مذيعه عن برنامجه اللطيف

ليه تقعد الشعب معك لما ممكن تقعد لوحدك

وخبر الحملة الاعلانية بتاعة حكومة ترشيد محمد ترشيد وزير الاستهلاك والصياعة ليه تدفع اقل هو انت بتدفع حاجة من جيبك ؟

ساعد نسرين الايمن

خمسة فضفضة يقول...

السلام عليكم ورحمة الله وبركاته

ههههههههههههههه
وكمان هههههههههههههههههههههه
واخيرا
ههههههههههههههههههههههههه

فظيع بجد جامد جدا
هههههههههههههه

معاذ يقول...

بوست رائع يا أشرف وضحكنى من قلبى
متتأخرش علينا فى البوستس
ربنا يوفقك ويكرمك

indawwaz يقول...

ربنا يحميك ويبارك فيك>>اسمحلي انقلها باسمك

LAMIA MAHMOUD يقول...

اغيب اغيب واجي الاقيك زي ما انت
ما تيجي يا اشرف نتجوز ونعمل نوع جديد من انواع الجواز
جواز الفقع والخنقة :)
اوعى تصدق هابس اكتر حاجة ضايقتني غياب شعره من شعر صدر تامر حسني لان كده احد ابطال الفيلم الجديد حينقصوا

موجة يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حقيقي اخف دم
هو فيه كده ؟
هههههههههه
جميلة قو قوي قوي بالذات موضوع التنسيق بين الوزارات ده
و الاهلي ههههههه ايوه الاهلي
خالص تحياتي

أمير القلوب يقول...

ههههههههههههههههههههه
ههههههههههههههههههه
بجد انت دمك خفيف قوى ولذيذ كمان
إيه السخرية الجامدة دي
أسلوبك رائع
والحقيقة دي اول زيارة للمدونة وإن شاء الله نتواصل دائماً
تقبل تحياتي

غير معرف يقول...

بجد بجد دمك خفيف اوى اوى
عجبنى موضوع شعرة تامر ديه وكمان الرجل الثري مينفعش بكالريوس هندسة وبعدين ديه مهنة متوارثة يعنى هسد فيها

هبههههووب يقول...

فعلا بلوج خفيف الدم واخف دم فعلا
كلام ف الصميم وبطريقة كومدية مضحكة ومٌسخسخة
دايما تضحكنا وتفرحنا كدا على طول
وشكرا

غير معرف يقول...

فكرتنى بحلقة العاشرة مساءاً اللى كانت ف نهاية 2007- عام الإعتصامات زى ماأطلقوا عليه.. تلاقى ناس معتصمه عشان مش لاقيه نقطة ميه تشربها وناس عشان الحيوانات ياحرام متبهدله وناس عشان مايستبدلوش النجيلة الطبيعى بنجيله صناعى.. الواحد كان بيعيط ويضحك ويشد ف شعره وهو بيتفرج.. بالظبط زى ماحصل لما قريت البوست ده.. كل سنة وأنت طيب على أى حال

Lobna Ahmed Nour يقول...

بجد اخبار ظريفة اوي .. كل سنة وانت اخف دم

Esmeralda يقول...

فقر :)
يل سيدى من 2007 ل 2008 يا قوقو لا تحزن

سؤال غتيت نط فى دماغي امبارح
ليه اما نلاقي واحد دمه خفيف بنقول عليه فقر؟؟؟

غير معرف يقول...

فعلا أخفد دم يا أشرف إلى مزيد من العبقريات بس خف شوية على أحمد عز أحسن يسحب من تحتيك الحديدة اللى حيلتك

مصطفى حسان يقول...

دايما الشباب الحاقدين أمثالكم هم اللي بيبوظوا الدنيا

وإيه يعني لما الشعره تتسرق من شعر صدر المغفور له تامر حسني .. واللا يعني عشان انت بتغير منه اكمنه حلو وعنده شعر في صدره والبنات بتحبه وانت مش عندك شعر في صدرك فعشان كده البنات مش بتحبك


عسل يا أشرف وربنا

ولو اني عارف انك سامع صوت الضحك من الأوضة اللي جنبي بس يللا اعمل ايه بقي
لازم اكتب لك عشان عارف اني متواضع وما بحبش اقول اني متواضع
مش زي المتواضعين التانيين اللي دايما بيقولوا ان هم متواضعين

تحياتي للأخبار المنعشة جدا

وما تبقاش تقعد سنه بين كل بوست والتاني

ساعه الغروب يقول...

ما انا مش عارفه بجد اقول ايه ؟؟

بس انا هوصف مشاعرى لما قريت البوست مش اكتر

بجد ما كنتش عارفه ابكى ولا اضحك

فعلا مش عارفه
البوست فعلا مزج رائع كما عودتنا يعنى بين الحقيقه المره اللى احنا عايشينا
واسلوبك الخاص جدا فى السخريه منها


رسمت الف علامه تعجب واستفهام يا اشرف كعادتك بعد قرائتى اى بوست ليك


بجد الف شكر ليك

ربنا معاك ويوفقك لما فيه الخير ليك دايما

صوت من مصر يقول...

http://fnangeology.blogspot.com/
على فكره بجد لو محتاجين حد خريج طب ومعاه امتياز يصلح ساعه هيلاقوه على القهوه الى فى اول فيصل ؟

basma saghir يقول...

جامد البوست ده يا اشرف...طول عمرك مثلي الاعلى في كيفية التفائل رغم المصايب والبلاوي الي بتحصلنا..
اخر خبر بقى..قرر سمو الامير الامبراطور السيد اللواء الوزير مدير الأمن المحافظ أمين الحزب أحمد عز انه على مطلع السنة الجديدة انه يغلي سعر الحديد كلاكيت عاشر مرة على اساس انه عايش في الابعدية بتاعة السيد الوالد الله يرحمه لو كان مات والله يرحمه لو كان عايش برضو

بعدين شعار ثورة سعد زغلول اتغير وبقى يتسحل الهلال مع الصليب

يلا بقى انا قلت اعملك اب دايت للمعلومات الي عندك
ابقى تعالى

only spot يقول...

هههههههه
بجد تحياتى لاسلوبك الرائع ولخفه الدم ولكن صحيح شر البليه مايضحك وهم الصراحه بلاوىى كتيررررررر اوى
يلا متعك الله بخفة الدم دائما
تحياتى

غير معرف يقول...

بجد بجد كلامك اكتر من رائع ما شاء الله عليك ربنا يحميك ويوفقك يا رب .

beroo يقول...

الله الله بس بجد ضحكت
ضحكت وانا كنت محتاجه اضحك في الايام اللي ما يعلم بيها الا ربنا بتاعت الامتحانات دي
بوست موفق جدا وتسلم ايديك وننتظر المزيد والمزيد من الابداعات
بيروو

ehahe ..soso ..eso iam me :) يقول...

ههههههههههههههههههههههههههههههههههههههههههههههههه

بجد بجد ملهاش حل والله انا بقالى فتره مش بدخل وانهارده ندمت انى فوت كل ده
ماشاء الله على اسلوبك
ربنا يوفقك وفى انتظار جديدك دائما

ظل الشمس يقول...

مش عارفة هانفضل لامتى نضحك على خيبتنا:))

بجد اخبار واقعية جدا هاتلنا الجورنال اللى ينزل الهم يضحك كدا :))

غير معرف يقول...

الاول كل سنة وانت طيب
على فكرة لو شركة مصر للطيران عملت المشروع ده هتفلس لان اصحاب الملايين ومنهم حبيبنا ممدوح اسماعيل مش بيركبوا اى وسائل نقل مصرية برية او جوية لان مستواهم الاجنبى بس

إخوانى مخربش يقول...

سبحان الله

اضحك الله سنك اخى الكريم

انا لما بكون معككن ومتضايق جدا مفيش حاجة بتضحكى زى بوستاتك

ربنا يكرمك

غير معرف يقول...

لألألأ والله كتير علينا،،شوف بيتعمل فينا وعمالين نضحك ضوحك،،مش ضحك لأ ضوحك
أ.أشرف تحححححححححححححححفة

Unknown يقول...

هههههههههههههههههه

وهههههههههههههههههههه

سوسو 13 سنة هههههههههههههههههه

تحفة بجد جداااااااا


وابقوا افتكروا الجمايل دى بقا
:D

غير معرف يقول...

مكنش ليك حق تتكلم على دينا فموضوع زى اللى انت تقصده هى ماشى غلطت بس مش مفروض نعايرها

Marwa Friday يقول...

أشرف .. بجد البتنجان فيه حديد كمان وموجود طوال السنة هههههههههه يعني مافيش انسب منه لعز! ..على فكرة جميل بجد واوفقك بشدة في حكاية عادل إمام - رغم ان له أفلام لا أنكر اني معجبة بها- لكن الراجل كبر بقى .. سيبك من نادية الجندي ..دي يظهر عندها صلاحية مدى الحياة! .. تحياتي لك ولما تكتبه في بص وطل

Ma 3lina يقول...

ايه يا عم التعريب اللى انت عامله ده

انا جالى حول من الصفحة مبقتش عارفة ايدي اليمين من الشمال

ما علينا

المهم ازاى الصحة كدا ؟؟

حكاية شعر تامر حسنى دى جاااااااااامدة

الى الامام يا عبقرى

Coca يقول...

ههههههههههههههه

والله فعلا اخف دم البوست بالحرف صح علي واقعنا للاسف
تحياتي

Memo يقول...

هههههههههههههههههههه
ايه الدم التقيل دة
عجبتني اوي بتاع عادل امام
ههههههه
وشعرة سدر تامر حسني ههههههههه
انت خدت بالك من الحجات دي ازاي

انت تلاقيك غيران و الغيرة بتاكل فيك يا حقود

Unknown يقول...

ههههههههههه تخيل لو جه يوم و الكلام ده بقي فعل
هي شكلها خمس سنين و هاتتحق حكاية الكلاب هوهو معانا و ساعة الثري العربي و الرحلات

بوست جميل اوي

تحياتي

3ala asm masr يقول...

بوست جامد جدا
أنت فعلا أخف دم

ضي نور يقول...

بجد بجد عبقري زمانك واخف دم فعلا هنيك علي كتابتك الفظييعة بجد بجد بلوجاية جامدة ربنا يوفقك والي الامام دائما

AHMED SAMIR يقول...

اخبار طريفة فعلا
بس اقل ما يقال عنها
شر البلية ما يضحك
تحياتي

شريف طلال يقول...

هههههههههههههههههههههه
اولاً وحشتنى جداً مقالاتك الى فيها اخف دم فى كل المدونااااات
متغبش تانى عننا كده
بس عليا النعمه الاخبار دى تقترب من الحقيقه .. و مش بعيد كل الى بتقوله ده يحصل فعلاً
قلبت علينا المواجع
و كل سنه و انت طيبه يا احسن قلب و اخف دم يا اشرف

shirry يقول...

نسيت تقول كدة

كان معمك اشرف توفيق
لاخف دم
مصر

بصراحة يا اشرف بوستك تحفة زي كل مرة
بالرغم من انك بتعبر عن واقع مرير في كل البوستات بتاعتك الا ان اسلوبك الساخر في تجسيده فوق الرائع
وبالرغم اني عندي امتحانات و مش عارفة اوصفلك الوضع
الا اني مقدرتش امنع نفسي من قرأة البوست اني اعلق عليه

وميرسي علي الزيارة الجميلة للمدونة واتمني انها تتكرر

اميرة الرومانسيه يقول...

حلوه حكايه النشره الاخباريه للعام دى
يلا تسلم ايدك
مستنين كلام جديد
وكل سنه وانت طيب معلش متأخره شويه

أخف دم يقول...

السلام عليكم
كل سنة وانتوا طيبين.. ويارب الناس اللى كانت بتمتحن يكون ربنا وفقهم جميعا.. والناس اللى مش بيمتحنوا ربنا يسهل ويمتحنوا أى حاجة وخلاص عشان ندعيلهم..
وربنا يكتب لنا جيعا النجاح والتوفيق فى حياتنا وفى ىخرتنا إن شاء الله.
والله يا جماعة سعيد جدا بتعليقاتكم وبخفة دمكم فى التعليقات اللى باستمتع بيها دايما وباضحك منها أكتر من البوست نفسه.. وسعيد أنى باحس انى معاكم فى نفس مشاكلكم وعلى نفس الموجة.. وان ربنا بيسهل انى اكتب دايما عن حاجة احنا جميعا كشباب حاسينها عشان احنا جيل واحد..
ربنا يكرمك جميعا على مشاعركم الجميلة ومدحكم المبالغ فيه ويارب يسهل فى اننا نقرب من بعض أكتر وأكتر..
ورسالة غلى لميا.. لو اتجوزنا انا وانتى جواز الفقع والختقة.. العيال هييجوا يبعتونا لاقرب ملجأ..وينتحروا هما!!
ولإزميرالدا: أظن احنا بنقول على الواحد خفيف الدم (فقر) عشان الشعب المصرى أكتر شعب خفيف الدم وف نفس الوقت مفيش أفقر منه!!
وإلى الأخت ميرو:لو كانت دينا ربنا هداها.. صدقينى كنت أول واحد هاكتب عنها كويس..وبكل غعجاب وتقدير انها قدرت تطلع برة الوسط ده زى شمس البارودى مثلا..بس ازاى أنا هاتعاطف معاها وهيه لسة بترقص ومبهدلة الدنيا يا ميرو؟؟المشكلة فى انها اتصورت فى وضع فاضح مع جوزها_بافتراض انه جوزها اصلا_.. المشكلة فى انها مع ذلك لسة دينا ما اتغيرتش ولا اعتبرت من فعلتها عشان نتعاطف معاها..
وربنا يهدى الجميع يارب..
ولمروة جمعة منورانى يامروة وزميلتى العزيزة فى بص وطل..ربنا يسهل ونتواصل اكتر من كده قريب..وانتى كاتبة متميزة بجد
ولمرام ماعلينا:انا معملتش تعريب.. تقريبا كل المدونات اتعربت أتوماتيك وانا نفسى مخنوق من الوضع ده.. أنا شاكك فى أن أحمد عز ورا الموضوع ده!!
فى النهاية يا جماعة بجد سعيد مرة تانية بكلامكم الجميل وبابقى سعيد جدا لما حد يقول انه كان مخنوق واتبسط.. دى أحسن متع الحياة..ربنا يجعلكم دايما مبسوطين
أشرف

غير معرف يقول...

أذيك يا أستاذ أشرف أنا من نادى أدب كلية الادادب بجد ماشاء الله عليك ياصاحب القلب الطيب

rona يقول...

بجد البوست جامدجدا والاعلانات حقيقيه كويس انك جبتها

a7md Helal ( المهم ) يقول...

نسيت تقول اخبار الاقتصاد
بعد انتشار المدونات في مصر قرر وزير الجباية فرض ضرائب علي اصحاب المدونات
وأهو كل دخل من اجل مصر

salam يقول...

ايه يعم الكلام العسل ده وبنا انت خسارة في البلدي ولا خسارة ليه يالاه جايز لما اللي زيك يكتروا البلد تنضف

موقع جمعية السلام للبيئة والتنمية البشرية
salam.mam9.com

غير معرف يقول...

ههههههههههههههههه
والله انتا دمك خفيف وكتابتك اكثر من رائعه استاذ اشرف
بس علي فكره
حكايه (عيب ياراجل)اللي بتطلع لما تضغط كليك يمين علي البلوج مش نافعه
لانك لو ضغطت escمع كليك يمين هايتطلع القائمه عادي
حاول تشوف طريقه تانيه للحمايه في النقطه دي
او اقولك
كده كده كتابتك بتعرفنا بيك واسلوبك مميز بالنسبالنا
تحياتي استاذ اشرف
اعتقد انك ستكون بلال فضل الثاني

د/اجدع بنوته يقول...

ساعة الثرى العربى

لسه عطلانه

ولا حد صلحهالو غيرى يااشرف

كانت لقمه طريه دى

واحسرتتتتتتاه

fagr يقول...

بجد شحنة الضحك دى الواحد محتاجها وسط الأخبار اللى كلها هم

شكلى هبقى من مدمنى مدونتك أنا لسه دخلاها النهارده وكل ماأقرا بوست بشدنى اللى قبله

فى انتظار بوستات جامدة

شيركو شاهين يقول...

والله ان كل مقالاتك تجنن واحلى ما كان فيها بتاع السد دينا
يا راجل دهنا في العراق شفنا كل الحاجة
دي فضيتخا على النت بقت عيني عينك
لا وايه تجي في التلفزيون
وتقول انا ماقدرش انام الا لم اقرى شوية قران
شوف المهزلة
والمعلق ايه دايب في دبديبها ويقلها اكيد الورع باين من عينكي
هههههههه
مسخرة والله اتمنى تزورني على مدونتي البسيطة وتعطين رايك الكريم
عراقي مهجر
من بلد الشقاق والنفاق

Unknown يقول...

bos maho ya ema enta betekteb fi gornan ya ema 7ad sara2 menak elpost da...ana 2areet elkalam da fi grnan...sho3`lak 7elw ma sha2 allah..Keep up the good work