اخبار

الأربعاء، 7 فبراير، 2007

ابحث عن البوست الضائع

كان فيه هنا بوست بس أنا حذفته يا جدعان..طب ليه حذفته؟ عشان حسيت بجد ان فيه ناس بيدخلوا هنا عشان بيحبوا البلوج ده وعايزين ان دايما يكون فيه الجديد اللى دمه خفيف .. وفعلا حسيت ان فيه ناس متابعة بجد وبيقروا كل البوستات بجد وأول ماشافوا حاجة مش عجباهم الثورة قامت بس مش ثورة وحشة ..لا .. ثورة بكل الحب والود ..أنا سعيد جدا بده وسعيد جدا بمعرفتكم وتشريفكم ليه هنا.
كتير قالوا البوست مكنش دمه خفيف وده فى حد ذاته سبب كافى جدا ليه عشان أحذفه واحرقه بجاز أو سولار أيهما أسرع كمان واللى اتكلم عن موضوع البوست برضه بجد أنا كان قصدى كويس مش وحش يعنى
وكمان باشكر الناس اللى علقت أول ما البوست اتنشر .. باشكر الأباصيرى و camera girl و قاسم أفندى و إسراء و عمرو أحمد و
ابن الدكتور و متغيرة شوية و life و كل اللى بيحب المدونة دى
وان شاء الله اللى جاى يعجبكم
بحبكم قوىىىىىىىىىىىىىىىى

هناك 7 تعليقات:

إنـســانة يقول...

مش عارفة اقولك ايه

بس ربنا يكرمك بجد

قاسم أفندي يقول...

كان حلو والله

وبعدين يا سيدي أنت أي حاجه منك سكر والله

باحييك علي قصيدة كله قابض

lost in the web يقول...

عود أحمد "أحمد مين؟" يا أستاذ أشرف

اهو ده بقى بجد بيدل على تواضعك و سعة قلب سعادتك و تفتح عقليتك النابغة

حلو كدا ;)

المهم بقى ربنا يكرمك و يهديك كدا على طول ان شاء الله

camera_girl يقول...

ايييييييييييييييه يا ابنى الجنان الرسمى ده شيلتو لييييييييييه

هو فى ايه يعنى ماللى مش عاجبو ميعلقش ويستنى بوست جديد ولما يعجبو يعلق

افتكر ان دى كانت فكره فدماغك وعبرت عنها ومش من حق اى حد ان يقوللك شيلها

كل وااااااحد حررررر ويكتب الى عايزو

معنى كلاامك ده ان اى حد يدخل ميعجبوش الموضوع هتفولل بلااها سوسو

انا مش بدافع عن الموضوع قد ما بدافع عن الفكره

بالأذن ....مش هجيللك هنا تانى

الأباصيرى يقول...

الموضوع اللى بيكتب دة جزء من الكاتب

يعنى لو أنا كتبت موضوع عندى لايمكن أحذفة لانة بقى جزء منى.... حتى لو مفيش ولا تعليق علية.. أو لو كل اللى علق قاللى بايخ

أنا مش معاك يامعلم بس هفضل أتابعك

ملحوظة: موضوع ناقص دبدوب خرااااااافة

العيسوى الصغير يقول...

وحذفته ليه دلوقت انا نفسى اعرف هو ايه

غير معرف يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه