اخبار

الجمعة، ٥ فبراير ٢٠١٠

فى المعرض

كل سنة وانتوا جميعا بخير وطيبين

الناس اللى بتكتب نوعين:

نوع بيبقى ربنا بيديله موهبة من صغره فيفضل عايش بيها من غير تطوير ولا استفادة من غيره.. فتبدأ تبهت وتضيع أو على الأقل تفضل زى ما هيه.. فتبقى النتيجة ان صاحبها برضه يضيع فى ظل تطور الكتاب الموهوبين التانيين.

ونوع حاسس انه لسة محتاج.. فبدأ يبحث ويقرأ ويتطور مرة بعد مرة.. ما يخجلش انه بيتعلم من ده وده.. وبيحاول انه ياخد من كل كاتب أحلى ما فيه عشان يخلط ده كله فى خلطة خاصة بيه هوه.. وتبقى النتيجة انه بيتطور بسرعة ويوصل لمستوى لسة غيره مش قادر يحققه.. بثقته بنفسه واحترامه لقدراته ورغبته فى التفوق.

أنا شخصيا باحب النوع التانى جدا.. ومنهم أحمد الصباغ

مش باحب اكتب موضوعات عن حد كتير.. بس هاعتبر البوست ده تهنئة منى لأحمد الصباغ.. وكمان دعوة لحضراتكم لحفل توقيع كتاب أحمد الصباغ الساخر فى معرض الكتاب (الضرب فى الميت) الصادر عن دار المصرى للنشر.. وده هيبقى إن شاء الله بكرة السبت 6 فبراير.. فى جناح دار ليلى الموجود فى سراى كندا الساعة أربعة ونص..

ومش هانسى طبعا إن فى نفس المعاد ومع أحمد هيبقى فيه حفل توقيع للكاتبة الساخرة سحر غريب وكتابها (تعيش وتاخد غيرها)..

إن شاء الله هاتشرف بوجودى معاهم ومعاكم وهاكون موجود فى المعاد أبارك لأحمد وسحر (على الكتب طبعا)..

وربنا يوفقهم ويوفقكم جميعا

هناك ١٨ تعليقًا:

غير معرف يقول...

مبرووووك للجميع :)

تحياتي

Mahmoud Ahmed يقول...

مبروووك على الكتابين
و احاول اكون موجود بكره ان شاء الله
ولو معرفتش يبقي تبلغي سلامي لهم ضروري ^_^ و مباركتي برضه ليهم ^_^

قلم رصاص يقول...

الف مبروووووووووك على الكتابين
وربنا يوفقهم يارب
ولافته وفاء وعرفان منك رائعه

تقبل مروري أستاذ أشرف

promise is promise يقول...

مبروك الحفل وكتاب موفق ان شاء الله

وعقبالك يارب

Ahmed Al-Sabbagh يقول...

شهادة أعتز بها من مبدع وأستاذ تعلمت منه الكثير
دمت صديقاً وأخاً ومبدعا

د. محمد رضا يقول...

انتوا التلاته اعرفكم بتفاوت طبعا

واتمنى لكم جميعا التوفيق

تحياتي

sony2000 يقول...

علي فكره انا جبت الكتاب وبجد ضحكت جدا للمواضيع اللي كتب فيها
وبجد كتاب فوق الفظييييييع
تقبل مروري وتحياتي

Manosh Mohammed يقول...

مبروووك على الكتابين

( أقرع مخطط ) و ( أقراعون رع ) يقول...

الفـ مبروكـ على الكتاب اولا .
ثانيا فعلا فـى ناس اتولدو موهوبين .. بس ممكن الغرور يمتلكهم بعد فتره بالنسبه للى حواليهم والناس كلها تطور وهما يقفو مكانهم :)
تحياتى
((اقرع مخطط))

Omar... [ خروشات ] يقول...

ياريت تقدر تضيف كمان صنفين لانواه الكتاب الموهوبين

نوع بيكتب من غلبه

و نوع بيكتب غلبه

تحياتى

السينيور يقول...

اين جديدك يا عم الامور
يارب تكون بخير

شريف طلال يقول...

الف مبروك لأحمد الصباغ
و بقالك كتير متأخر علينا فى المواضيع يا اشرف باشا
وحشتنا

ظل الشمس يقول...

نادرا ما حد بيتشهر وبيشكر فى حد صاعد
بس دا مش غريب عليك يا اشرف
ابو الاصول كلها

أخف دم يقول...

السلام عليكم
أشرف عاد إليكم من جديد.. كابتن مااااجد
منورين قوى وبجد البلوج من غيرى ممكن يستمر لأن روحكم فيه وزيارتكم بتسعدنى جدا حتى لو غبت لظروف
كانت ظروف مرض وعملية صعبة.. بس الحمد لله دلوقتى أحسن بفضل الله ثم بفضل دعواتكم وقلقكم وسؤالكم الدائم
ربنا يديم المعروف والود دايما
بالنسبة لأحمد وسحر ربنا يوفقهم يارب وننتظر منهم الطبعة التانية والتالتة قريب.. وشكرا للى قال كلمة حلوة ليا بس ده واجب لزمايل مبدعين انى اتكلم عنهم مش فضل منى ولا تواضع.. ده حقهم عليا.. وربنا يديم المعروف بينا دايما يا أحلى ناس
أشرف توفيق

شريف سلامة يقول...

اززيك يا عم الكتكوت
انا اول مرة اخش على مدونتك
و عجبني انك فقري زي حالاتي
قشطة

شريف سلامة يقول...

اه صحيح
كل سنة و انت طيب
ودي المدونة بتاعتي
غير شخصيتي اللي قدام الناس خالص بس معلش
استحملني اصلي بحب الحق اكتر من حبي للهزار
صباحو
http://sherow1982.blogspot.com/
انا اسمي شريف
تقريبا اسمي شريف سلامة

Unknown يقول...





Pretty! This was an extremely wonderful post. Thanks for supplying these details.

http://prokr.com/pesticides-spraying-anti-insects-company-riyadh/

pubg mobile يقول...

نقل اثاث طرق نقل اثاث بالرياض شركة نقل اثاث بجازان نقل اثاث بحائل نقل اثاث بخميس مشيط نقل اثاث بالرياض 300 ريال نقل اثاث بالمدينة المنورة نقل عفش بالمدينة شركة نقل عفش بالرياض